Jalpy, 2017 jyldyń naýryz aıy sońyna qaraı ıpotekalyq qaryz kólemi 127,3 mlrd teńgege (14,6 paıyzǵa) artsa, sonyń ishinde 56,6 mlrd teńgelik ósim turǵyn úı qurylys jınaq bankine tıesili, dep habarlaıdy ranking.kz saraptama qyzmeti.
О́ńirlik kórsetkish boıynsha respýblıkada tek eki qalada ǵana ósim bar.
Astanada bankterdiń ıpotekalyq nesıe portfeli 8,7 mlrd teńgege (4,2 paıyz) ulǵaıyp, 216,4 mlrd teńgege jetti. Bul respýblıkalyq kórsetkishtiń 21,1 paıyzynan 27,7 paıyzyna artty degen sóz.
Al Almatyda ıpotekalyq qaryz kólemi jyl basynan beri 7,5 mlrd teńgege ulǵaıyp (2,4 paıyz), 314,6 mlrd teńgege jetip, respýblıkadaǵy úlesin 31,5 paıyzǵa jetkizdi.
Al úshinshi orynda Aqtóbe oblysy. Mundaǵy ıpotekalyq qaryz kólemi 1,3 mlrd teńgege kóbeıip, 51,3 mlrd teńgege jetti.
BQO; OQO men Mańǵystaý oblystarynyń ıpotekalyq qaryzdarynyń ósimi jalpy 1 mlrd teńgege ulǵaıdy.
Al qalǵan óńirlerde kerisinshe, ıpotekalyq qaryz kórsetkishi azaıǵan.