Jambyl atyndaǵy Qazaq memlekettik akademııalyq fılarmonııasynyń Úlken zalynda 20 aqpan kúni kórermendi erekshe mýzykalyq hám psıhologııalyq saıahatqa jeteleıtin tarıhı oqıǵa – fransýz kompozıtory Fransıs Pýlenktiń áıgili «Adam daýysy» monooperasynyń qazaq tilindegi tusaýkeseri ótedi, dep jazady Egemen.kz.
Frhat Moldaǵalıev rejısserlik etken qoıylymnyń basty ereksheligi – HH ǵasyrdaǵy opera óneriniń jaýhary bir ǵana keıipkerdiń taǵdyry men ishki arpalysy arqyly saraptalýynda. Aıtýly monoopera Jan Koktonyń pesasy negizinde jazylǵan. Bir keıipkerdiń sezim álemin asha otyryp, týyndy kórermenge jalǵyzdyq, mahabbat, úmit pen qoshtasý sııaqty tereń emosıonaldy kúıderdi sezindiredi. Pýlenktiń mýzykasy minsiz psıhologııalyq úılesim men názik dramalyq shıelenisti úılestire otyryp, tyńdaýshyny keıipkerdiń ishki oılaryna jeteleıdi. Ár notasy men ár demi adamnyń rýhanı kúresin, ómir men ólim arasyndaǵy názik shekarany kórsetedi.
«Tolyq adam. Oı tolǵaý. Hákim Abaı» monooperasy
Sahnadaǵy dramalyq obrazdy Qazaqstannyń eńbek sińirgen qaıratkeri Dárııa Júsip somdaıdy. Ol tek akterlik sheberligin ǵana emes, vokaldyq múmkindigin de dál osy qoıylym arqyly kórermenine tartý etedi. Onyń oryndaýyndaǵy dramalyq baı daýys boıaýy men emosııalyq dem kórermendi keıipkerdiń ishki dúnıesine tereń boılatary sózsiz. Operaǵa Qanat Omarov dırıjerlik etse, T.Ábdirashev atyndaǵy Qazaq Memlekettik akademııalyq sımfonııalyq orkestri mýzykamen súıemeldep, týyndynyń kórkemdik deńgeıin arttyrady.
Júzjyldyq daýys jańǵyryǵy
Qoıylymnyń qazaq tilinde sahnalanýy – otandyq óner úshin úlken jańalyq. Kórermen klassıkalyq týyndyny ana tilinde tyńdap, keıipkerdiń ishki dúnıesin túsinip, emosııalyq baılanys ornata alady. Bul qazaq opera ónerin jańa deńgeıge kóterip qana qoımaı, tyńdarmanyna shynaıy sezim men estetıkalyq lázzat syılary sózsiz.