Otandastar oljaly oraldy

Ýkraınanyń Marıýpol  qa­lasynda ótken «Makar Mazaı» memorıalyna arnalǵan 45-shi ha­lyqaralyq týrnırde elimiz  boks­shylary úsh altyn, úsh kúmis já­ne eki qola medaldy oljalap, jalpykomandalyq esep boıyn­sha ekinshi orynǵa kóterildi. Myrzaǵalı Aıtjanov jattyq­ty­ratyn ulttyq komanda músheleri, atap aıtsaq,  Birjan Jaqypov (49 kg.), Oljas Sáttibaev (52 kg) jáne  Serik Sápıev (69 kg) altynnan alqa taǵyp, tuǵyr bıigine kóterilse,  Ǵa­nı Jaılaýov (60 kg), Vasılıı Levıt (91 kg) jáne  asa aýyr  sal­maq­taǵy Ivan Dychko kúmis medaldy enshiledi. Qola medaldy 64 kg.  salmaqtaǵy Danııar Eleýsinov pen Danabek Sýjanov qanaǵat tutty. Toǵyz eldiń boksshylary qolǵap túıistirgen týrnırde rıng ıeleri 22 medalǵa (7 altyn, 3 kúmis, 12 qola) ıe bolyp, birinshi orynǵa shyqty. Úshinshi oryndy 5 medalmen О́z­bekstan komandasy  enshiledi. Endi qazaq boksshylary buıyrt­sa Ystyqkóldegi demalystan soń álem chempıonatyna daıyndyq­ta­ryn  bastamaq. Ábdirahman QYDYRBEK.