Túrkistan oblysynda Báıdibek aýdandyq bilim bóliminiń laýazymdy tulǵalaryna qatysty bıýdjet qarajatyn júıeli túrde jymqyrý faktisi boıynsha sot úkimi shyqty, dep jazady Egemen.kz.
Atalǵan iske qatysty tergeýdi Qarjy monıtorıng agenttigi (QMA) Túrkistan oblysy boıynsha departamenti júrgizgen.
Basshylar, býhgalterler jáne ekonomısterdi qosa alǵanda 18 laýazymdy tulǵa jalaqy men ózge de tólemderge arnalǵan bıýdjettik ótinimderdi negizsiz ulǵaıtý arqyly aýdannyń 49 jalpy bilim beretin mektep qarajatyn zańsyz ıemdený shemasyn uıymdastyrǵan.
600 mln teńgeden astam bıýdjet qarajatyn jymqyrý: О́ńir medısınasyndaǵy bylyqtyń beti ashyldy
«Býhgalterııa qyzmetkerleri elektrondyq júıelerge ádeıi jalǵan málimetter engizip otyrǵan. Esep paraqtaryna is júzinde jumys istemegen adamdar engizilgen nemese jalaqy men ústemeaqylardyń kólemi negizsiz ósirilgen. Operasııalarǵa zańdy sıpat berý úshin qyzmettik jazbalar, buıryqtar, esep vedomostary men jumys ýaqyty tabelderi sııaqty jalǵan qujattar paıdalanylǵan. Qujattardyń bir bóligi tólemder júrgizilgennen keıin keri kúnmen rásimdelip nemese eseptilikti sáıkestendirý maqsatynda túzetilgen», delingen QMA taratqan habarlamada.
Qarajat jalǵan tulǵalardyń, onyń ishinde týystary men tanystarynyń banktik shottaryna aýdarylyp, keıin aldyn ala kelisilgen úlester boıynsha qatysýshylar arasynda bólingen. Zańsyz áreket saldarynan memleketke 583 mln teńgeden astam zalal kelgen.
Túrkistanda bıýdjettik sýbsıdııany jymqyrý shemasyna qatysqandar sottaldy
«Tergeý barysynda kúdiktiler keltirilgen shyǵyndy tolyq ótedi. Sot 14 adamdy 3 jyldan 7 jylǵa deıin bas bostandyǵynan aıyrý jazasyna kesti. Taǵy 4 adamǵa qatysty is raqymshylyqqa baılanysty toqtatyldy», delingen habarlamada.
Elimizdegi ýnıversıtetterdiń birinde mıllıondaǵan qarjy jymqyrý faktisi anyqtaldy
Úkim zańdy kúshine endi.