Túlekterge dıplom tapsyryldy

Elimiz álemge aty belgili «Baı­qońyr» ǵarysh aılaǵy ar­qy­ly tórtkúl dúnıege tanymal desek te, osy ýaqytqa deıin ǵa­rysh sala­sy­nyń san qyryn meńgergen otan­dyq mamandarymyz sanaýly-aq bo­lyp kelgeni ózimizge belgili. Osy bir olqylyqtyń ornyn tol­tyrýdy L.N. Gýmılev atyndaǵy Eýrazııa ulttyq ýnıversıteti qolǵa alǵan eken. Sóıtip, 2009 jyly ýnıversıtette «Ǵarysh tehnıkasy jáne tehnologııasy» kafedrasy men fı­zıka-tehnıkalyq fakýlteti qu­ry­lyp, 2009 jyly fakýl­tet­tiń 10 (2010 jyly da sonsha adam) túlegi Dnepropetrovsk  ulttyq ýnıversıtetine bir jylǵa oqýǵa jiberilgen kórinedi. Sol ıgilikti is jemisin berip, atalǵan oqý ornynda Ýkraınanyń Oles Gonchar atyndaǵy Dnepropetrovsk ulttyq ýnıversıtetimen birigip daıyndalǵan EUÝ-diń 3 magıstranty men 2 bakalavr túlegine dıplom tabystaldy. Sharaǵa Ýkraınanyń Dnepropetrovsk ulttyq ýnıversıtetiniń bir top ǵalym-oqytýshylary q­a­ty­syp, ǵarysh mamandyǵynyń qyr-syryn tereńirek áńgimelep berdi. 2009 jyldyń naýryz aıynda Oles Gonchar atyndaǵy Dnepropetrovsk ulttyq ýnıversıtetimen ǵarysh salasynda birigip maman daıarlaý týraly kelisimge qol qoı­yl­ǵannan keıin L.N.Gýmılev at­yn­­daǵy Eýrazııa ulttyq ýnıversıteti óz qarjysymen Ýkraınanyń atalmysh oqý ornyna stýdentterin oqýǵa jibere bastady. Búginde atalmysh áriptestik baılanys óz jemisin berýde. Bitirýshi túlekter arasynan ǵarysh salasyn tereń meńgergen jas mamandar iriktelip alynyp, jumysqa qabyldanatyn bolsa, osy jyldyń qyrkúıek aıynda 18 stýdent ǵarysh salasy boıynsha Dnepropetrovsk ulttyq ýnıversıtetine joldama alyp, bilimin shyńdaıtyn bolady. L.N.Gýmılev atyndaǵy EUÝ-da «Qazǵarysh» basshysy T.Musa­ba­ev­tyń qatysýymen ǵarysh sala­syna qajetti «Tempýs» baǵdar­la­masymen bekitilgen ǵaryshtyq apparattardy jobalaýshy zerthana jasaqtalyp, maman daıarlaýǵa qatysty barlyq jaǵdaı jasalýda. Berik SADYR.