Aqmola oblysy, Stepnogor qalasynyń Sport saraıynda dzıýdodan Bógenbaı batyrdy eske alýǵa arnalǵan respýblıkalyq týrnır ótkizildi. El Táýelsizdiginiń 25 jyldyǵy qurmetindegi baıraqty básekege Qazaqstan qalalary men aımaqtarynan 300-den astam jasóspirim sportshy qatysty.
Dástúrli jarys ártúrli ataýmen bıyl 35-shi ret ótkizilip otyr. Eki kúnge sozylǵan kilem dodasynda uldar – 8, qyzdar 2 salmaq dárejesinde sheberlikterin synǵa saldy.
Respýblıkalyq týrnırdiń jeńimpazdary men júldegerlerine medaldar men gramotalardy, estelik kýboktar men syılyqtardy óńirge aty málim sport maıtalmandary tabys etti. Qala ákimi Ánýar Kúmpekeev álemdik, qurlyqtyq jáne respýblıkalyq básekelerde oza shapqan balýandardy daıyndaǵan jergilikti bapkerlerge Alǵys hattar tapsyrdy.
Baqbergen AMALBEK,
«Egemen Qazaqstan»
Aqmola oblysy