WBA, IBO, IBF, WBC boıynsha orta salmaqtaǵy álem chempıony Gennadıı Golovkın (36-0, 33 KO) men Denıel Djeıkobs (32-1, 29 KO) jekpe-jegi jónindegi kelissózder aıaqsyz qaldy, dep habarlady sports.kz.
WBA prezıdenti Jılberto Mendostyń málimdeýinshe, promoýterler berilgen merzimde kezdesý týraly kelisimge kele almady. Degenmen, qos taraptyń áli de birneshe saǵat ýaqyty bar. Biraq qazirdiń ózinde kelisimniń 19 jeltoqsanda Panama astanasyndaǵy WBA shtab-páterinde ótetin promoýterlik saýdada sheshiledi dep tolyq senimmen aıtýǵa bolady.
Golovkın men Djeıkobs kezdesýi 18 naýryzda Nıý-Iorktegi Medıson Skver Gardende ótýi múmkin. Tartysty aıqasty HBO telearnasy kórsetedi.
Eger saýdalasý barysynda Djeıkobs taraby jeńer bolsa, kezdesý ýaqytyn, ótetin ornyn ózgertýge, tipti múldem boldyrmaýǵa quqyly bolady. Máseleniń baári Golovkınniń kelisimshartynda HBO-nyń basty qarsylasy Showtime telearnasyna shyǵa almaıtyndyǵynda bolyp tur.