2017 jyly álemdegi eń úlken qater retinde Eýropadaǵy saılaý, Donald Tramptyń syrtqy saıasaty men "jahandyq kıbersoǵys" ataldy. Bul týraly álemdegi eń bedeldi 146 sarapshy men ekonomıster arasynda júrgizilgen saýalnama barysynda belgili boldy, dep habarlaıdy RBK.
Saýalnamaǵa qatysqandardyń basym bóligi (85 paıyzǵa jýyǵy) Eýropadaǵy keler jylǵa belgilingen saılaýlardyń (Germanııadaǵy parlamenttik saılaý men Fransııadaǵy prezıdenttik saılaý) álem ekonomıkasyna áser etetinin aıtqan. Al Donald Tramptyń syrtqy saıasatynyń qalaı órbıtini sarapshylar úshin mańyzdylyǵy jaǵynan ekinshi orynda eken.
Úshinshi qater retinde respondentter Reseı prezıdentiniń syrtqy saıasaty, Brıtanııanyń Eýroodaqtan shyǵýy men "jahandyq kıbersoǵysty" ataıdy. Sonymen qatar Qytaıdaǵy bıliktiń ózgerýi de kópshilikti alańdatatyn kórinedi.