Búgin, 8 jeltoqsan kúni, «Nur Otan» partııasynyń Qyzylorda oblystyq fılıaly partııanyń jańa múshelerin saltanatty túrde qabyldady. Olardyń qatarynda Aýǵan soǵysynyń ardagerleri, sport jáne mádenıet salasynyń qyzmetkerleri, úkimettik emes uıymdar men BAQ ókilderi bar.
Qyzylorda oblysynyń ákimi, «Nur Otan» partııasy oblystyq fılıalynyń tóraǵasy Qyrymbek Kósherbaev olardy partııa qataryna qosylýymen quttyqtap, partııa bıletterin tabystady.
- Táýelsiz memleketimizdiń tuńǵysh Prezıdenti Nursultan Ábishuly Nazarbaev basqaratyn «Nur Otan» partııasy búginde qoǵamdaǵy eń mańyzdy saıası kúsh. Quramynda 1 mln.nan astam múshe bolsa, onyń 50 myńy qyzylordalyqtar. Partııa quramynda bolý, eldiń aldynda júrý – zor jaýapkershilik, úlken baqyt. Sizderdi týǵan jerimizdi túletýge, jasaryp, jaınaýyna mol úles qosady dep senemin,-dedi oblys ákimi.
Partııa qataryna jańadan qabyldanýshylardyń atynan Qorqyt ata atyndaǵy Qyzylorda memlekettik ýnıversıtetiniń baspasóz hatshysy Gaýharaı Esimova jáne Aýǵan soǵysynyń ardageri Qýanyshbek Syzdyqov óz alǵystaryn bildirip, senimnen shyǵýǵa tyrysatyndyqtaryn jetkizdi.