Keshe Astanada Ana men bala ulttyq ǵylymı ortalyǵy men Respýblıkalyq dıagnostıkalyq ortalyqtyń dárigerleri 700-den astam balany qabyldap, keńes berdi.
Sharapatty sharany «University Medical Center» korporatıvtik qory Qazaqstan Respýblıkasy Táýelsizdiginiń 25 jyldyǵyna oraı «25 qaıyrymdy is» aksııasy aıasynda ótkizip otyr.
Atalǵan is-shara balalarǵa sapaly medısınalyq kómek kórsetý maqsatynda «Nur Otan» partııasy Astana qalalyq fılıalymen birlesip atqarylǵanyn aıta ketsek deımiz. Aksııa sheńberinde «University Medical Center» korporatıvtik qorynyń fılıaldary Ana men bala ulttyq ǵylymı ortalyǵy jáne Respýblıkalyq dıagnostıkalyq ortalyqtyń 14 túrli beıindegi 30-dan astam mamany: pedıatr, hırýrg, ortoped, ýrolog, gepatolog, kardıolog, pýlmonolog, nefrolog, endokrınolog, gastroenterolog, nevropatolog dárigerler qabyldaýǵa kelgen balalardy qarap, keńester berdi.
Zertteý nátıjesinde balalardyń biraz bóligi qosymsha tereńdetilgen dıagnostıkalyq zertteýge baǵyttaldy. Stasıonarlyq emge muqtaj balalarǵa josparly emdeýge jatýǵa keńes berildi. Sondaı-aq, tekserilgen balalardyń arasynan syrqaty kúrdeli balalar iriktep alyndy. Olarǵa 2017 jylǵy qańtar-aqpan aılarynda «University Medical Center» korporatıvtik qorynyń fılıaly Ana men bala ulttyq ǵylymı ortalyǵynda tegin medısınalyq kómektiń kepildi kólemi aıasynda otalar jasaý josparlanyp otyr.
Raýan QAIDAR,
«Egemen Qazaqstan»