Búginde Qazaqstanda bıznestegi áıelderdiń úlesi 50 paıyzdy quraıdy, dep habarlaıdy kapital.kz. Al on jyl buryn bul kórsetkish 38 paıyz edi. Eldegi shaǵyn jáne orta bıznestiń 42 paıyzyn áıelder basqarady. Jalpy, áıelderdiń arqasynda eldegi jumys oryndarynyń 30 paıyzy ashylǵan. Al JIО́-ge túsirgen qarajaty jalpy kiristiń 40 paıyzyn quraıdy. Áıelderdiń jumyssyzdyq kórsetkishi 2006 jylǵy 9,2 paıyzdan 2015 jyly 5,6 paıyzǵa deıin tómendegen.
Degenmen, memlekettik qyzmettegi basshy áıelderdiń paıyzdyq kórsetkishi áli de bolsa tómen kúıinde qalyp otyr. Qazirgi tańda eldegi 411 saıası memlekettik qyzmetkerdiń tek 40-y ǵana názik jandylar eken.
Jalaqy máselesine keletin bolsaq, erler men áıelderdiń jalaqy kóleminde 33 paıyzdyq aıyrmashylyq bar.
Esterińizge sala ketsek, 2016 jyly Qazaqstan Dúnıejúzilik ekonomıkalyq forýmnyń genderlik teńdik kórsetkishi boıynsha 144 eldiń ishinde 51-shi orynda boldy. Birinshi orynda Islandııa bolsa, odan keıin Iemen.