Bes dúrkin Olımpıada chempıony, bes dúrkin álem champıony, tanymal keńes gımnastshysy Nellı Kım Qazaqstan halqy Assambleıasynan álem elshisi atanady. Bul týraly búgin OKQ baspasóz qyzmetinde assambleıa tóraǵasynyń birinshi orynbasary Eraly Toǵjanov habarlady.
«Nege mundaı tulǵa QHA álem elshisi bolmasqa degen suraq qoıyldy. Muny biz keshe talqyladyq. Onyń kelisimin aldyq. Ol AQSh jáne Jenevada QHA elshisi bolady», - dep habarlady Eraly Toǵjanov.
Nellı Kım - belgili keńes gımnastshysy, eki dúrkin Eýropa chempıony, birneshe dúrkin KSRO chempıony. KSRO-nyń eńbek sińirgen sport sheberi (1976). Halyqaralyq gımnastıka federasııasy tehnıkalyq komıtetiniń prezıdenti. 1957 jyly Tájikstanda týǵan. Nellı týǵannan keıin otbasy Shymkentke kóshken. Ata-anasy áli kúnge sol jaqta turady. Shymkentte ol bapker Vladımır Baıdınmen 10 jasynan bastap sportpen aınalysqan.