«Egemen Qazaqstan» Respýblıkalyq gazeti» aksıonerlik qoǵamynyń Basqarma tóraǵasy Darhan Qydyráli búgin jumys saparymen Oral óńirinde bolyp, "Jaıyq Press" medıaholdınginiń basshysy Jantas Safýllınmen jáne oblystyq, aýdandyq basylymdardyń jýrnalısterimen kezdesti. Bul týraly osy medıaholdıngtiń saıty habarlady.
Jınalǵan qaýymdy eń aldymen Táýelsizdik merekesimen quttyqtaǵan D.Qýandyquly el gazeti «Egemende» engizilip jatqan ózgerister men jańalyqtarǵa toqtaldy. Oqyrmanmen baılanys, jýrnalısterdiń jumys jasaý ədisteri, aqparattyq jańa tehnologııany tıimdi paıdalaný, jas mamandardy tərbıeleý týraly oılaryn bólisti.
«Qazaq halqynyń tarıhyndaǵy ataqty handar men batyrlardyń mekeni bolǵan Jaıyq óńirine kelip, iri medıaholdıng bolyp sanalatyn "Jaıyq Press" ortalyǵyna bas suǵýymnyń birneshe sebebi bar. Sonyń eń bastysy – Qazaqstandaǵy baspasóz isiniń batystan bastaý alýy, alǵashqy gazetterdiń osy jerde basylýy. Olardyń jınaqtalyp, zerttelip, júıelenip, kitap bolyp shyǵýy ózge basylymdar úshin úlken ónege, taǵylym bolyp tabylady. "Egemen Qazaqstan" gazetiniń bastaýy bolǵan "Ushqyn" gazetiniń osy óńirden basylyp shyqqandyǵyn biz óz tarıhymyz retinde tanımyz. «Ushqynnyń» alǵashqy sanynan bastap jınaqtap, transkrıpsııa jasap, hatqa túsirip jatqan sizderge zor rızashylyǵymyzdy bildire otyryp, ári qaraı da birlese jumys isteıtin bolamyz degen senimdemin», – dedi «Egemenniń» basshysy.
D.Qydyráli jýyrda Əzirbaıjan elinde ótken Baký Kongresiniń 90 jyldyǵyna arnalǵan úlken jıynǵa qatysyp qaıtqanyn, latyn álipbıine kóshý jóninde mańyzdy sheshimder qabyldanǵan sol jıynda ázirbaıjandyq əriptesterge "Jaıyq Press" medıaholdınginiń bastamashylyǵymen jaryq kórgen "Qazaqstan" kitabyn osy ujymnyń atynan syıǵa tartqanyn da aıtyp ótti.