Táýelsizdiktiń 25 jyldyǵy aıasynda oblys ákiminiń orynbasary Marat Toqjanov Jeltoqsan oqıǵasyna qatysýshylarmen kezdesip, olarǵa «Jeltoqsan - el esinde» atty estelik medaldaryn tabys etti, dep habarlaıdy «QazAqparat».
Marapattalǵandar arasynda oblystyq qurylys basqarmasynyń bas mamany Zulqoja Baqtyǵul, prokýratýra ardageri Ǵalymjan Janqadamov, oblystyq radıonyń aǵa redaktory Áýes Orynaeva, Batys Qazaqstan ınnovasııalyq-tehnologııalyq ýnıversıtetiniń professory, fılologııa ǵylymdarynyń doktory Murat Sabyr, Qurmanǵazy atyndaǵy Oral mýzyka kolledjiniń dırektory, qalalyq máslıhat depýtaty Nurjan Sertekov, «Temirjolsý-Aqtóbe» JShS qyzmetkeri Shoqan Mashanov jáne basqalar boldy.
Aıta keteıik, osyndaı jıyndar oblys aýdandarynda da ótip, Jeltoqsan oqıǵasyna qatysýshylarǵa qurmet kórsetilýde.