Qyrǵyzstannyń barlyq aımaǵynda jergilikti keneshter saılaýy men referendýmda daýys berý sharalary aıaqtaldy, dep habarlady kyrtag.kg.
Aldyn ala málimetter boıynsha saılaýshylardyń 80%-y Konstıtýsııaǵa ózgerister engizý úshin daýys bergen.
«Sońǵy aqpar boıynsha, 42,07%, ıaǵnı 1 mln 199 myń 941 adam daýys berdi. Al saılaýshylardyń 80%-y konstıtýsııaǵa ózgerister engizýdi qoldasa, shamamen 16%-y buǵan qarsy daýys berdi», – dedi ortalyq saılaý komıssııasynyń tóraǵasy Nurjan Shaıldabekov
Onyń aıtýynsha, Bishkekte 43,4%, Oshta 28,44%, Jalal-Abad oblysynda 45,94%, Ystyqkól oblysynda 40,1%, Narynda 46,14%, Osh oblysynda 42%, Talas oblysynda 48,44 %, Shýda 38, 28%, Batken oblysynda 42,12% daýys berdi.
Aıta keteıik, Qyrǵyzstan Respýblıkasynyń konstıtýsııasyna 30 tolyqtyrý engizý usynylyp otyr. Sondaı-aq, zań boıynsha, saılaýshylardyń 30%-y daýys bergen bolsa, referendým ótken bolyp esepteledi.