«Nurly jer» baǵdarlamasy aıasynda óńirlerde kezekte turǵan adamdar arendalyq turǵyn úılerdi satyp alý quqyǵynsyz ala alady. Bul týraly búgin Úkimet otyrysynda QR Ulttyq ekonomıka mınıstri Qýandyq Bıshimbaev málimdedi. Mınıstrdiń aıtýynsha, 15 jyldyń ishinde О́ńirlerde satyp alý quqyǵynsyz jalǵa beriletin turǵyn úı qoryn qurý úshin 2017 jyldan bastap respýblıka boıynsha jyl saıyn 25 mlrd. teńge bólý josparlanǵan. Jalǵa beriletin turǵyn úıler JAO kezeginde turǵan halyqtyń áleýmettik jaǵynan osal toptaryna arnalǵan. Olar 1-toptaǵy múgedekter, jetim balalar jáne taǵy basqa.
Baǵdarlama júzege asyrylatyn 15 jyl ishinde Arendalyq turǵyn úı qory 45 myń páter nemese 2,2 mln sharshy metr baspanany quraıdy.
Eske sala ketsek, «Nurly jer» baǵdarlamasynyń negizgi maqsaty jeke turǵyn úı qurylysyn damytý, turǵyn úı qurylys jınaǵy júıesi arqyly kóppáterli baspanalardy odan ári salý, ıpotekalyq nesıelendirýdi damytý jáne jeke qurylys salýshylardy yntalandyrý bolyp tabylady.
Arnur ASQAR, "Egemen Qazaqstan".