Táýelsizdik kúnine Astanada merekelik otshashý bolady, - dep habarlaıdy Elordanyń mádenıet basqarmasy.
Vedomstvonyń málimetinshe, 16 jeltoqsanda saǵat 22.00-de "Han Shatyr" oıyn-saýyq ortalyǵy mańynda, Esil ózeni jaǵalaýy men Abylaıhan dańǵyly men Pýshkın kóshesiniń qıylysynda otshashý bolady. Sonymen qatar, 16 jeltoqsanda saǵat 16:00-de "Baıterek" monýmentiniń janynda merekelik konsert bastalady.
16 jeltoqsanda "Astana" konsert zalynda (burynǵy "Kongress-holl") Qazaqstan estradasy juldyzdarynyń qatysýymen konsert ótedi. 16:00-de Astana sırkinde taqyryptyq estradalyq-sırktik "Máńgilik el" baǵdarlamasy josparlanǵan (bıletpen kirýge bolady).
Mádenıet jáne sport mınıstrliginiń málimeti boıynsha, Táýelsizdiktiń 25 jyldyǵyn toılaý sharalary aıasynda elimizde jalpy alǵanda segiz myńnan asa is-shara ótkizý josparlanǵan. "Barlyq is-sharalarǵa respýblıkalyq bıýdjetten 407 mıllıon teńge bólindi", - dep málimdedi Mádenıet jáne sport vıse-mınıstri Aqtoty Raıymqulova.
16 jeltoqsanda 16:00-de "Qazaqstan" ortalyq konsert zalynda "Qazaq Eli" kınoepopeıa sıklynan "Qazaq handyǵy" fılminiń tusaýkeseri bolady.