Búgin Qyzylordadaǵy oblystyq mekemeler úıinde oblys ákimi Qyrymbek Kósherbaev pen Ulttyq ekonomıka vıse-mınıstri Aıdar Áriphanovtyń qatysýymen «Táýelsizdik tartýy» telekópiri ótti.
Telekópirdiń basty maqsaty – Táýelsizdik jyldaryndaǵy oblystyń damý deńgeıin túıindep, jetistikterin saralap, óńirde júzege asyrylǵan biregeı ındýstrıaldy-ınnovasııalyq jobalardy halyqqa tanystyrý.
Qyzylorda oblysynyń damýyna serpin bergen ındýstrıaldy-ınnovasııalyq jobalardyń qatarynda Aral aýdanyndaǵy «Araltuz» zaýyty (jobany «Araltuz» AQ prezıdenti Aıdynbek Taýasarov usyndy), Reseı Federasııasynyń Ýlıanov oblysy Dımıtrovgrad qalasyndaǵy «Rybnyı kraı Dımıtrovgrad» balyq óńdeý zaýyty (zaýyttyń negizin qalaýshy – oblystyq máslıhat depýtaty Amanbaı Erhatov), Qazaly aýdanyndaǵy «RZA» AQ (kásiporyn vıse-prezıdenti Nurlan Imandosov, Qazaly aýdandyq máslıhat depýtaty), Jańaqorǵan aýdanyndaǵy «Shalqııa» ken orny («Shalqııa Sınk LTD» AQ basqarma tóraǵasy Bolat Ramazanov), Shıeli aýdanyndaǵy «Bala Saýysqandyq» ken orny («Balaýsa» fırmasy» JShS dırektory Andreı Kýznesov) jáne Qyzylorda qalasyndaǵy Shyny zaýyty («Orda glass» JShS Basqarma Tóraǵasy Dáýren Ibrashev) bar. Spıkerler óz kásiporyndarynyń basty erekshelikterin aıta kele telekópirge qatysýshylardy jáne barlyq qazaqstandyqtardy merekelerimen quttyqtady.
Sondaı-aq, telekópir aıasynda professor B.Káribaevtyń oblys ákimdiginiń qoldaýymen shyǵarylǵan «Táýelsizdiktiń 25 mańyzdy oqıǵasy» atty kitabynyń tusaýkeseri ótti.