Elimizdiń soltústik aımaǵynda qys uzaq, qar mol túskendikten qysqy sport túrlerin damytýǵa qolaıly. Bala kezden shańǵy, konkı teýip óstik. Ataqty shańǵyshy, jerlesimiz Ivan Garanındeı bolsaq dep armandadyq. A.Baıtursynov atyndaǵy Qostanaı memlekettik ýnıversıtetine kelgen soń da men sportty tastaǵanym joq, oqýmen birge ony janyma serik ettim. 2014 jyly Qazaqstan oqý oryndary arasyndaǵy besinshi ýnıversıada Qostanaı qalasynda ótken bolatyn. Bizdiń ýnıversıtettiń komandasy sonda birinshi oryndy ıelendi. Al bıyl aqpan aıynda Almatyda ótken stýdent jastardyń altynshy ýnıversıadasynan da A. Baıtursynov atyndaǵy ýnıversıtet komandasy birinshi júldemen oralǵan bolatyn. Oǵan elimizdiń barlyq shalǵaıynan 35 oqý orny qatysqan básekeli jarys boldy. Munyń barlyǵyn aıtyp otyrǵanym, biz qatysqan baıraqty jarystardyń barlyǵy da Dúnıejúzilik ýnıversıada aldynda sportshylardy shıratty.
Qazir Almatyda ótetin ýnıversıadaǵa qyzý daıyndyq júrip jatyr. Kún saıyn shańǵydan, bıatlonnan daıyndalamyz, túrli normalardy oryndaımyz. Bizdiń ýnıversıtetten 6 sportshy Qazaqstan qurama komandasynyń quramynda shańǵy men bıatlonnan baq synaıtyn bolamyz. Qasymda Evgenıı Bondarenko, Ivan Vasılevskıı, Vıtalıı Pýhgalo sekildi talaı jarysta júldeni qanjyǵaǵa baılaǵan, taramys shańǵyshylar bar. Talaı jarystaǵy tájirıbe kórsetip júrgendeı, tógilgen mańdaı ter tekke ketpeýge tıis. Biz de jankúıerlerimizdi jelpintip, Kók týymyzdy jelbireter jeńisti kúnderdi kútip júrmiz.
Nıkıta TKAChENKO,
A.Baıtursynov atyndaǵy Qostanaı memlekettik ýnıversıteti zań fakýltetiniń magıstranty, sport sheberi