Markalarǵa mór basyldy

«Qazposhta» Almatyda ótetin Ýnıversıadany máńgilik este qaldyrý maqsatynda arnaıy poshtalyq markalar shyǵaryp otyr. Osyǵan oraı «Almaty Arena» ǵımaratynda saltanatty túrde markalarǵa mór basyldy. Sondaı-aq, «EMS-Kazpost» 2017 jylǵy Ýnıversıadanyń resmı kýreri dep tanyldy. Markaǵa mór basý salta­na­tyn­da Al­maty qalasyn­daǵy 2017 jyl­ǵy XXVIII Dúnıe­júzi­lik qysqy Ýnıversıadany uıym­das­­ty­rý jáne ótkizý dırek­sııa­sy­nyń je­tek­shisi Naıl Nýrov pen «Qaz­posh­ta» AQ «EMS-Kazpost» fı­lıa­­lynyń dırek­tory Erkinbek Dýský­janov mámi­lege kelip, qol alysty. – Biz endi Ýnıversıadanyń res­mı kýreri – «Qazposhta» AQ-tyń «EMS-Kazpost» fılıaly bol­ǵanyn qýana habarlaımyz. Dı­rek­sııamyzdyń hat-habarlaryn álem­niń ár túkpirine jáne óz eli­miz­diń kez kelgen turǵylyqty me­­ke­­nine jedel jetkize alatyn kom­­pa­­nııany tańdaý biz úshin óte ma­ńyz­dy. Bizdiń talaptarymyzǵa «EMS-Kazpost» tolyǵymen sáı­kes keledi. Sonymen qatar, bul kom­pa­nııa estafeta alaýy­na kerek­ti iri kólemdegi júk­ti de tasy­mal­­daı­­dy. Al Ýnıversıadanyń qur­­metine mar­ka shyǵarý – bul sha­ra­­nyń el tarıhyndaǵy mańyz­dy­ly­ǵyn kórsetedi, – dedi Naıl Nýrov. О́z kezeginde «Kazposhtanyń» «EMS-Kazpost» fılıaly da Ýnı­ver­sıadanyń resmı kýreri bolý usynysyn qýana qabyldaǵan. – Osy seriktestik barysynda bizder shet memleketterge myńnan astam sálemdemelerdi jetkizemiz, al Qazaqstan boıynsha 10 tonna sha­ma­syndaǵy iri kólemdegi júk ta­sy­­mal­daımyz. Sonymen qatar, biz taýar­lar men basqa da qun­dy­lyq­­ta­rdy saqtaýǵa arnalǵan 500 shar­­shy metrlik qoımany paıda­la­nýǵa beremiz, – deıdi «Kazposh­ta» AQ «EMS-Kazpost» fılıa­ly­nyń dırektory Erkinbek Dýskýjanov. «Almaty qalasyndaǵy 2017 jylǵy HHVIII Dúnıejúzilik qysqy Ýnıversıada» taqyrybyndaǵy «Sport» toptamasyndaǵy poshta­lyq bloktyń markasy 4 boıaýly of­set­­ti tásilmen basylǵan, per­fo­ra­­s­ııa­sy jaqtaýly. Bloktyń ól­shem­i 90 h 100 mm. Markanyń ólshemi 28 h 40 mm. Taralymy – 7 500 blok. Sýret­shi K.Plý­jnıkova. Belgi­len­gen baǵasy 300 teń­­ge. Posh­ta­lyq mar­kalar «Qazaq­­stan Res­pýb­lıka­sy Ulttyq Banki­­niń Bank­not Fab­rıkasy» Res­­pýb­­lıka­lyq mem­le­kett­ik kásipor­nyn­da basyp shyǵaryldy. Aınash ESALI, «Egemen Qazaqstan»