Biz buǵan deıin Ulttyq ulannyń «Ońtústik» óńirlik qolbasshylyǵyna qarasty 5571 áskerı bóliminde Ýnıversıada kezinde qoǵamdyq tártip pen qaýipsizdikti qamtamasyz etetin kelisimshart negizinde Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń oqytýshylary aǵylshyn tilinen kýrstar ótkizip jatqanyn habarlaǵanbyz.
Endi 2017 jylǵy HHVIII Dúnıejúzilik qysqy Ýnıversıada kezinde qyzmet kórsetetin medısınalyq mamandar men tótenshe jaǵdaılar departamenti qyzmetkerleriniń ekinshi toby Almatyda aǵylshyn tili kýrsynan ótti. Qalanyń medısınalyq qyzmet kórsetý salasyndaǵy 83 qyzmetkeri jáne TJD-nyń 33 ókili bazalyq aǵylshyn tili kýrsyn támamdaǵany jóninde sertıfıkat aldy.
Ústimizdegi jyldyń qyrkúıek pen jeltoqsan aılary aralyǵynda Almaty qalasynyń medısınalyq mamandary jáne TJD qyzmetkerleri aǵylshyn tili grammatıkasyn úırenip, aýyzsha sóıleý daǵdylaryn ıgerdi. Atalǵan kýrs medısınalyq nemese basqa da kómek túrlerin kórsetý qajet bolǵan jaǵdaıda, sheteldik qonaqtarmen, Ýnıversıada qatysýshylarymen emin-erkin tildesýge múmkindik bermek.
Oqytý kýrstary Abaı atyndaǵy Qazaq ulttyq pedagogıkalyq ýnıversıteti jáne Qazaq memlekettik qyzdar pedagogıkalyq ýnıversıtetiniń bazasynda ótkizildi.
– Bizdiń ýnıversıtettiń 10 oqytýshysy Almaty qalasy medısınalyq qyzmetkerlerine aǵylshyn tilin úıretti. Oqytý aıasynda túrli baǵyttarǵa arnalǵan bazalyq leksıkany ǵana emes, sondaı-aq, mádenıetaralyq qarym-qatynas negizderin úıretetin baǵdarlama daıyndaldy. Kýrs tyńdaýshylarynyń bilimi aıtarlyqtaı jetilgenin baıqap otyrmyz. О́z kezeginde bul bilim olarǵa Ýnıversıada qatysýshylarymen jáne qonaqtarmen laıyqty deńgeıde tildesip, qyzmet kórsetýge kómektesetin bolady, – dedi Abaı atyndaǵy Qazaq ulttyq pedagogıkalyq ýnıversıtetiniń oqytýshysy Janar Kúlekenova.
Ústimizdegi jyldyń qyrkúıeginde 2017 jylǵy HHVIII Dúnıejúzilik qysqy Ýnıversıada kezinde qyzmet kórsetetin 120-dan asa medısınalyq qyzmetkerge aǵylshyn tili kýrstaryn tabysty túrde támamdaǵany jóninde sertıfıkattar tabystaldy.
Aldaǵy kúnderi Almatyda ótetin qysqy Ýnıversıadaǵa 30 myńǵa tarta sheteldik týrıster keledi dep boljanyp otyr.
Aınash ESALI,
«Egemen Qazaqstan»
ALMATY