Astanada Ulttyq akademııalyq kitaphanada "Egemen Qazaqstan" shyǵarǵan 4 kitap tanystyrylyp jatyr. Olar: "25 jyldyń 25 səti", "Jıyrma bes jyl: jeńister men jemister", Əbish Kekilbaevtyń "Egemendegi" maqalalarynan turatyn "Dəýir daýysy" kitaby jəne "Etjeńdi" Egemen Qazaqstan" jınaǵy.
Jıyndy ashqan basylym basshysy Darhan Qydyrəli ər kitaptyń mazmuny, mańyzy jaıly qysqasha əńgimeledi. Mysaly, "Jıyrma bes jyl: jeńister men jemister" kitaby təýelsizdik úshin asa mańyzdy jyldardyń ərbirine egjeı-tegjeı toqtalady. Ondaǵy maqalalardyń avtorlary qatarynda Myrzataı Joldasbekov, Jabal Erǵalıev, Nurlan Orazalın sııaqty esimi elge belgili tulǵalar bar. "Dəýir daýysy" týraly aıta kele basylym jetekshisi "Egemen Qazaqstanda" eńbek etken qalamgerlerdiń jınaqtary əli de shyǵatynyn jetkizdi. Sonyń ishinde jazýshy əri pýblısıst Sherhan Murtazanyń jaqynda jaryq kóretin kitaby "Namys naızaǵaıy" dep atalmaq.
Jıynǵa Myrzataı Joldasbekov, Aqan Bıjanov, Sultan Orazalın, Serik Qırabaev, Baýyrjan Omarov, Nesipbek Aıtuly sııaqty memleket, qoǵam jəne mədenıet qaıratkerleri qatysyp, lebizderin bildirdi.