Eýrazııalyq ekonomıkalyq komıssııa (EEK) Alqasy «Qazaqstan Respýblıkasynda ınflıasııa deńgeıin (tutynýshy baǵalarynyń ındeksin) tómendetýge baǵyttalǵan sharalar boıynsha Eýrazııalyq ekonomıkalyq komıssııa usynystary týraly» usynys qabyldady, dep habarlaıdy strategy2050.kz.
EEK-te bul múshe el úshin Eýrazııalyq ekonomıkalyq odaqtaǵy (EAEO) makroekonomıkalyq turaqtylyqty qamtamasyz etý maqsatynda Komıssııa daıyndaǵan ekinshi qujat ekeni habarlandy. Usynym Qazaqstannyń EAEO týraly shartta aıqyndalǵan ınflıasııa deńgeıi kórsetkishiniń sandyq máninen asýyna baılanysty ázirlengen. Ol bıylǵy jyldyń birinshi toqsanynda - 115,7 %, ekinshi toqsanynda - 117,3 % jáne úshinshi toqsanynda 116,6 % qurady.
Komıssııa ekonomıkalyq jaǵdaıdy jaqsartý jónindegi Qazaqstan qabyldaǵan ulttyq sharalardy qoldaı otyra, respýblıkaǵa tutyný baǵalarynyń ósýin tómendetý boıynsha sharalar keshenin iske asyrýdy usyndy.
Komıssııanyń usynystaryn iske asyrý ortasha merzimdi perspektıvada Qazaqstan ekonomıkasynyń ımportqa táýeldiligin tómendetýge yqpal etedi. Bul elimizde tutynýshy qorjynynda ımporttyń joǵary úlesine ıe salalarda básekege qabiletti ónim óndirisin damytý esebinen oryn alady.
Nátıjesinde Qazaqstannyń syrtqy áserlerge makroekonomıkalyq tózimdiligi artady, ınflıasııa tómendeıdi.
EEK-te EAEO elderi ekonomıkalyq damýdyń turaqtylyǵyn anyqtaıtyn kórsetkishter aıasynda makroekonomıkalyq saıasat júrgizýi tıis ekeni túsindirildi.
2016 jylǵy 15 qarashada Komıssııa Alqasy «Qyrǵyz Respýblıkasynyń memlekettik basqarý sektorynyń boryshyn azaıtýǵa baǵyttalǵan sharalar boıynsha Eýrazııalyq ekonomıkalyq komıssııa usynystary týraly» usynym qabyldady.