AirSelfie Holdings Ltd kompanııasy selfı túsirýge arnalǵan ushatyn dron jasap shyǵardy. Italııanyń kásipkeri Edoardo Stropıana (Edoardo Stroppiana) bul ónim 2017 jyly satylymǵa shyǵarylady dep josparlap otyr. Bul týraly Live Science habarlady.
AirSelfie drony 5-megapıkseldi kameramen, 4 gıgabaıt turatyn jadymen jasaqtalǵan. Sonymen qatar arnaıy Android-qosymshasy arqyly basqarylatyn apparatty 4 motor 20 metr bıiktikke deıin ushyratyn bolady. Joba avtorlarynyń aıtýynsha, apparat taımer rejımin de qamtıdy.
Dronnyń alǵashqy prototıpi tamyz aıynda jasalǵan. Qarashada atalǵan kompanııa bul jobaǵa ınvestısııalyq qarjy tartty. Naqty aıtar bolsaq, AQSh, Ulybrıtanııa, Qytaı, Germanııa ınvestorlary jobaǵa 3 mln dollar qarajat saldy. Alǵashqy toptama naýryz aıynda shyǵady dep kútilýde. Ázirge bastapqy baǵasy 300 dollar bolady dep belgilengen.