Abyroıymyz bıik, aıbynymyz asqaq

Ata-babamyz san ǵasyrlar boıy ańsaǵan Táýelsizdikti kórý, osy zamanda ómir súrý baqyty bizge buıyryp otyr. Shırek ǵasyr ishinde jańa Qazaqstan qalyptasty. Elbasynyń arqasynda Qazaq eli álem jurtshylyǵyna tanylyp, barsha memleket úlgi alyp otyr. Eli­mizde turatyn barlyq ult pen ulys ókilderi bereke-birlikte, ynty­maqta bolýy úshin Qazaqstan halqy Assambleıasy quryldy. Osy­laısha bizdiń halqymyz bir shańy­raq astynda tatý-tátti ómir súre beredi. Táýelsizdiktiń 25 jyldyǵyn qarsy ala otyryp Qazaqstan álem kartasynan oıyp oryn alyp otyr. Memleket basshysy, salıqaly saıa­satymen Qazaqstan halqy­nyń biriktirýshisi bola bildi. Elbasy­myz «Qazaqstan-2030» jáne «Qazaq­­­stan-2050» Strategııalyq baǵdar­lamalaryn qabyldap, elimiz­diń da­mýy­nyń naqty jolyn aı­qyndap berdi. Qazaqstandy álemniń da­myǵan 30 eliniń qataryna qosýdy kózdeıtin «100 naqty qadam» Ult jospary men bes ınstıtýttyq reforma búgingi kúnde jemisti júzege asýda. Táýelsizdik alǵan jyldar ishin­de Elbasynyń orman-toǵaıly jerleri men tabı­ǵı-tarıhı keshenderin qorǵaý maq­sa­tyndaǵy «Erekshe qor­ǵalatyn tabıǵı aýmaqtar qurý» jónindegi ıgi bastamasyn búkil el qýana qýat­tap, rızashylyǵyn bildirdi. «Tabı­ǵatty saqtaý – óz elimiz ben barlyq adamzattyń ósip-órkende­ýin qamtamasyz etý», – degen Elba­synyń qanatty sózi osynyń kýási. Táýelsizdik alǵan jyldar ishin­de bir ǵana Almaty oblysynyń ózin alǵanda bes ulttyq tabıǵı park­tiń qurylýy elime, jerime degen aza­mattyq paryzdyń bıik shyńy ekenin moıyndaýymyz kerek. Keńes­tik kezeń men toqyraý jyl­darynda besjyldyq jospar syltaýymen orman-toǵaıymyz aıaý­syz tonalyp, ań-qusymyzdyń sansyz azaıǵany shyndyq. Búgingi kúnde ulttyq tabıǵı parkterdi qurý arqyly tabıǵatymyzdy qorǵap qana qoımaı, tolaǵaı tabys kózi  týrızmniń damýyna keń óris ashy­­lyp otyr. Týrızmniń damýy úshin qa­jetti ınfraqurylymdar qata­ryn­­da Elbasynyń bastaýymen  «Nur­ly jol» baǵdarlamasy iske asy­ry­­lýda. Osy baǵdarlama aıasynda Alma­ty – Kólsaı respýblıkalyq mańyz­­ǵa ıe avtomobıl jolynyń jumy­­sy bıyl bastalyp, el ıgiligine 2018 jyly berilgeli otyr. Bul óz keze­ginde alys jáne jaqyn shet el­der­­den Kólsaı, Qaıyńdy kól­deri­ne kelýshi týrıster men demalý­shy­lar­dyń legine keń óris ashatyny sózsiz. Tarıh úshin qas-qaǵym sát bolyp sanalatyn 25 jyl ishindegi jet­ken jetistikterimizdi saralaı kelsek, QR Parlamenti pala­ta­lary­nyń birlesken otyrysynda qa­byl­dan­ǵan «Qazaqstan Res­pýb­lıka­sy Táýel­siz­diginiń 25 jyl­dy­ǵyna ar­nalǵan Deklarasııa» shyn mánin­de tarıhı qujat. Dek­larasııada aı­tyl­ǵandaı, elimiz az ǵana ýaqyt ishin­de ekonomıkasy qarqyn­dy damy­ǵan, ózge eldermen terezesi teń, tola­ǵaı ta­bys­tarǵa jetýdiń biregeı tá­ji­­rı­­besi bar memleket retinde qalyptas­ty. Uly Dala eliniń tabıǵat qor­ǵaý mekemeleriniń qyzmetker­leri Elbasymen birge aldaǵy aı­qyn maqsattarǵa jetip, gúldengen Qazaqstannyń azamattary retinde talaı asýlardan asatynyna senim bildiremiz. Ámirjan MALYBEKOV, «Kólsaı kólderi» memlekettik ulttyq tabıǵı parki» respýblıkalyq memlekettik mekemesiniń dırektory