Uly murattar jolyndaǵy el

On segiz myń ǵalamda qazaq deıtin ór rýhty halqy kemeldengen, urpaqtan-urpaqqa jalǵasar, baı tarıhı qazynasy, mazmundy da maǵynaly tamasha tabıǵatymen kóz súrindiretin memleket bar. Elbasy N.Á.Nazarbaevtyń sózimen aıtar bolsaq, ol – osydan 25 jyl buryn «jarqyraı týǵan jaryq juldyz», týǵan Otanymyz – Qazaqstan Respýblıkasy. San jyldar boıy jadymyz­da jańǵyryp, qundaqtalǵan qun­dylyǵymyzdaı bolǵan osy ata-baba armanyna 1991 jyly 16 jeltoqsanda qol jetkizip, aıdaı álemge atymyzdy máshhúr ettik. Búgin, Alataýdaı asqaq armanymyzdyń oryndalyp, tilegimizge jetkenimizge attaı 25 jyl. Al qaryshtap damyǵan Qazaqstan osy jolda neni bastan keshirmedi?! Egemen el bolǵanymyzǵa – bı­yl shırek ǵasyr. Alaıda, Elbasy N.Á.Nazarbaevtyń basqarýyndaǵy «Qazaqstan» atty alyp keme álemdik ja­handanýda ǵasyrǵa bergisiz tarıhı kezeńdi bastan keshirdi. Iri sekiriske tatıtyn serpilispen damyǵan eli­miz­diń bul aıaq alysyn búkil álem moı­yndaǵany anyq. Ras, XXI ǵasyrdyń tórinde otyrǵan halqymyzǵa osyndaı baq ońaılyqpen kelgen joq. Qazir tilge tıek etip aıtýǵa ońaı bolǵanymen, óz ýaqytynda keıbir alasapyran oqıǵalar az bolǵan joq. О́tkendi eske ala otyryp, búginimizge shúkir qylǵanymyz abzal. Sol arqyly ǵana osy shaqtyń baǵasyn baǵamdaı alamyz. Tarıhqa qarap otyrsaq, kez kelgen elde ultyn ulyqtap, bolashaqqa baǵdar silteıtin myńnan daraboz tulǵalar bireý ǵana bolǵan. Ultymyz azattyq alǵan kúnnen beri, elin eńseli keleshekke qaraı senimdi bas­tap kele jatqan, keshegi ulylar ómir súrgen Uly Dalanyń ulaǵatty urany, naǵyz Elbasy bola bilgen bilimdar ári saıasatker, óz zamanynan asa týǵan memlekettik qaıratker, Qazaqstan Respýblıkasynyń Tuń­ǵysh Prezıdenti Nursultan Ábishuly Nazarbaev – halqymyzdyń shynaıy maqtanyshy.Táýelsizdikke qol jetken alǵashqy jyldarda tota­lıtarızmniń qatań tártibinen, «qaıta qurýdyń» beıbereket qarbalasynan qaljyraı shyǵyp, erteńgi kúnge senimi joǵalǵan halyqty eki aıaǵynan tik turǵyzyp, talaı aýyrtpalyqtarǵa tóze bilip, jarqyn bolashaqqa umtyldyrǵan tulǵa qandaı qurmetke de laıyq. 90-jyldar jańadan egemendik alǵan jas memleketke barynsha kúrdeli kezeń boldy. О́ńdiristiń quldyraýy, aqshanyń qunsyzdanýy, taýar tapshylyǵy halyqty qatty úreılendirdi. Biraq eline demeý bolyp, senim syılaǵan Tuńǵysh Prezıdent barshany moıymaı, birlese is-qımyl jasaýǵa shaqyrdy. Bolashaqty aıqyndaý jolynda bir el bolyp jumylýǵa úgittedi. «Jeke men úshin is júzinde sonaý yrǵaqty kezeńniń árbir kúni umytylmaq emes. Bizdiń halqymyzdy uzaq kútken bostandyqqa ár qadam saıyn jaqyndatqan sol bir kúr­deli oqıǵalar týraly estelikter óshirilmesteı meniń jadymda», – dep tolǵana eske alady Nursultan Ábishuly sol bir tarıhı kúnderdi. Memlekettik mańyzdy isti bas­tamas buryn jeti ret ólshep, sodan keıin durys sheshim qabyldaǵan Memleket basshysynyń halyq ıgiligi úshin jasaǵan isteri ushan-teńiz. Iаdrolyq qarýdan bas tartyp, 40 jylǵa jýyq uly Abaı dalasyn ýlaǵan synaq polıgonyn birjola jaýyp tastaý – álemdi tańdandyrǵan aıtýly oqıǵa edi. Buǵan eshkim talasa almaıdy. Qazirgi ýaqytta Qazaqstan Pre­zıdentin dúnıe júzi álemdik aý­qym­daǵy kóshbasshy retinde moıyn­daıdy. Oǵan jer-jahanda oryn alǵan kóptegen daý-damaılar men qantógiske deıin jetken keıbir shıelenisti oqıǵalar ke­zinde Elbasynyń araaǵaıyn bolýy naqty mysal. Túrki dúnıe­siniń N.Á.Nazarbaevty «abyz aq­sa­qalymyz» dep baǵalaıtyny da belgili. Elbasy boıyndaǵy sabyrlylyq pen ustamdylyq, adamzat taǵdyry úshin tynyshtyqty qalaıtyn tózim­diligi, alańdaýshylyq, qazaqy tabı­ǵatymyzdy anyq baıqatady. Osy rette bıylǵy jyly Memleket basshysynyń Kornegı qorynyń shtab-páterinde ulttardyń soǵystar men qaqtyǵystardyń aldyn alý jónindegi kelisilgen is-qımyldaryn aıqyndaıtyn «Álem. HHI ǵasyr» atty manıfesi Qazaqstandy kúlli adamzatty beıbit ómirge bastaıtyn mańyzdy jobany júze asyratyn el retinde tanytqanyn erekshe atap ótý qajet. Beıbit álem qurý – qarýsyzdaný men kelisimge umtylǵan kisilikten ekenin Elbasy taǵy da dáleldedi deı alamyz. Táýelsizdik – bostandyqqa um­tylǵan halqymyzdyń qaısar rýhy­nyń jemisti jeńisi. «…Ýaqyt qar­qy­ny zymyran. Kúni keshe ótken sııaqty oqıǵalar búginde tarıh betterine aınalyp ta úlgirdi. Bul jańa memleket pen jańa qoǵamnyń dúnıege kelýiniń azapty tolǵaqqa toly, sonymen birge ǵalamat sáti edi. Sol sát áli aıaqtalǵan joq, biraq eń qıyn belesterden asa bildik. Eń qıyn jyldar dál qazir artymyzda qaldy, sondyqtan da men elimizdiń eńsesi bıikteı beretinine senemin», – degen Elbasy N.Nazarbaevtyń sózi halyq jadynda árqashan jańǵyryp tur. «Qazaqstan-2050» Strategııa­synyń uly maqsattaryna umtylǵan, beıbitshilik besigine aınalǵan, muraty – Máńgilik El Qazaqstannyń budan ári de gúldene beretini aqıqat. Dınar NО́KETAEVA, Qazaq memlekettik qyzdar pedagogıkalyq ýnıversıtetiniń rektory ALMATY