Erler eńbegi eskerýsiz qalmaıdy

Qazir elimizdiń árbir óńirinde el Táýelsizdiginiń 25 jyldyǵyn merekeleýge arnalǵan is-sharalar ótkizilýde. Osyǵan oraı, keshe Ishki ister mınıstrliginde de osy vedomstvo basshylyǵynyń, ishki ister organdary qyzmetkerleri men ardagerleriniń qatysýymen saltanatty jıyn bolyp ótti. Orkestrdiń súıemeldeýimen mınıstr­lik týy sahna tórine shyǵarylyp, Ánuran shyr­qalǵannan keıin quttyqtaý sózdi mınıstrdiń birinshi orynbasary Marat Demeýov aldy. Ol óz sózinde jıyrma bes jyl ishinde elimiz turaqty, damy­ǵan, halqy tatý memleket retinde qalyp­tas­qan­dyǵyn jáne álem aldyndaǵy bede­lin aıqyndaǵanyn erekshe atap kór­setti. «Táýelsizdik – baǵa jetpes asyl baı­lyǵymyz. Elimizdiń jańa jáne jarqyn tarıhynyń bastaýy. Elimiz aıtýly álemdik sharalardy: EQYU Sammıtin, Qysqy Azııa oıyndaryn abyroımen ótkize bildi, endi aldymyzda EKSPO-2017 halyqaralyq kórmesin zor tabyspen ótkizý mindeti tur. Munyń barlyǵy Prezıdent Nursultan Nazarbaevtyń kóregen saıasatymen tikeleı baılanysty», – dedi Marat Ǵanuly. Sonymen qatar, mınıstr­diń birinshi orynbasary eli­miz damýynda ishki ister sala­synyń orny erekshe ekendi­gin de qaperge sala ketti. Táýel­sizdiktiń alǵashqy jyldarynan bastap ishki ister organdary qyzmetkerleri qoǵamdyq qaýipsizdikti qamtamasyz etýde jáne azamattardy qylmystyq qolsuǵýshylyqtan qorǵaýda laıyqty qyzmet atqaryp keledi. Táýelsizdik alǵan jyl­dar ishinde ishki ister organ­dary­nyń 1093 qyzmetkeri mem­lekettik nagradaǵa ıe bolyp­ty. Olardyń ekeýine Halyq Qaharmany ataǵy da beril­gen­digin aıta ketken oryndy. Budan keıin ishki ister organy men Ulttyq ulan ar­da­gerleri respýblıkalyq keńe­siniń tóraǵasy, mılısııa general-maıory О́mirzaq Bol­sambekov Táýelsizdiktiń maǵy­nasy erkindik, teńdik, bostandyqpen baılanysty ekendigin alǵa tarta otyryp, elge tynyshtyq pen bereke tilegen ıgi lebizin jetkizdi. Quttyqtaýlardan keıin QR IIM ortalyq apparaty men aýmaqtyq bólinisteriniń qyzmetkerlerine memlekettik jáne vedomstvolyq nagradalar tapsyryldy. Ony Ishki ister mınıstri Qalmuhanbet Qasymov tabystady. Solardyń arasynda IIM-niń M.Bókenbaev atyndaǵy Aqtóbe zań ınstı­tý­tynyń basshysy, polısııa polkovnıgi Sálimgereı Qara­qushev te bar. Ol II dárejeli «Aıbyn» ordenimen marapattaldy. Buqaralyq aqparat quraldary ókilderiniń aldyn­da sóılegen sózinde orden ıegeri elimizdiń erler eńbe­gin baǵalaıtyndyǵyna rızashy­lyǵyn jetkize otyryp, bul marapat ishki ister organ­daryna bilikti mamandardy daıarlaýdaǵy eńbegi úshin be­rilgendigin alǵa tartty. So­nymen qatar, el Táýelsiz­digi­niń 25 jyldyǵyn mereke­leýge oraı ishki ister organ­darynyń qyzmetkerleri vedomstvolyq nagradalarmen jáne gramotalarmen ma­rapat­taldy. Is-shara qorytyn­dysyn­da ishki ister organdary qyzmet­kerleri arasynda ótken «Meniń elim!» patrıottyq ánder baı­qaýynyń laýreattary men dıplomanttarynyń qatysýymen gala-konsert qoıyldy. Asqar TURAPBAIULY, «Egemen Qazaqstan»