Meksıkalyq Saýl «Kanelo» Alvarestiń (48-1-1, 34 KO) promoýteri Oskar De La Hoııa 2017 jyly qazaqstandyq Gennadıı Golovkınmen (36-0, 33 KO) mindetti túrde jekpe-jek uıymdastyratynyn málimdedi. Bul týraly vesti.kz habarlady.
«Alvares 160 fýntqa deıin salmaǵyn kóterip, Golovkınmen judyryqtasady. Ol GGG-dan jasqanady dep aıta almaımyn. Bul aıqas kelesi jyly ótetinine kepildik retinde promoýterlik lısenzııamdy qoıýǵa daıynmyn», – dep ESPN telearnasyna suhbat berdi.
Aıta keteıik, qos boksshynyń arasyndaǵy kezdesý bıyl ótýi tıis bolatyn. Alaıda, meksıkalyq orta salmaqtaǵy óziniń WBC tıtýlyn jekpe-jeksiz Golovkınge berdi. Buǵan qaramastan eki tarap áli de bolsyn bul aıqastyń oryn alatynyn habarlap turady. Aldyn ala boljam boıynsha 2017 jyldyń qyrkúıek aıynda ótýi múmkin.