2017 jyly Qazaqstanda zeınetaqy kólemi 20 paıyzǵa ósedi. Búgin elordada Qazaqstan Táýelsizdiginiń 25 jyldyq mereıtoıyna arnalǵan saltanatty jıynda Elbasy Nursultan Nazarbaev osylaı málim etti, dep habarlaıdy QazAqparat.
«Táýelsizdiktiń 25 jyldyq mereıtoıy qurmetine men Úkimetke aldaǵy jyly zeınetaqy mólsherin 2016 jylǵy deńgeıge 20 paıyzǵa ósirýdi tapsyramyn», - dedi QR Prezıdenti.
Osy oraıda Elbasy bul ósim 2 mıllıon 200 myń qazaqstandyqty qamtıtynyn atap ótti.
Aıta keteıik, mereıtoılyq saltanatty jıyn Táýelsizdik saraıynda ótip jatyr. Bul sharaǵa memleketimizdiń damýyna, Táýelsizdigimizdiń nyǵaıýyna zor úles qosqan eleýli azamattar elimizdiń túkpir-túkpirinen kelip otyr.