Elordada Elbasy Nursultan Nazarbaevtyń qatysýmen Qazaqstan Táýelsizdiginiń 25 jyldyq mereıtoıyna arnalǵan saltanatty jıyn ótip jatyr.
Aldymen shara ótip jatqan Táýelsizdik saraıyna elimizdiń memlekettik rámizderi engizilip, ánuranymyz oryndaldy. Osydan keıin QR Parlamenti Senatynyń Tóraǵasy Qasym-Jomart Toqaev sóz sóılep, búgingi saltanatty jıynǵa memlkettimizdiń damýyna, Táýelsizdimizdiń nyǵaıýyna zor úles qosqan eleýli azamattar elimizdiń túpkir-túpkirinen kelip otyrǵandyǵyn atap ótti.
«Qazaqstanyń Táýelsizdigi men Elbasynyń esimi egiz uǵym. Sondyqtan biz bárimiz Táýelsiz memlekettiń atynan osy eń qasterli merekege oraı Qazaqstan Respýblıkasynyń negizin qalaýshy, búkil álem kóregen saıasatker, uly memleket qaıratkeri retinde moıyndap otyrǵan Elbasy Nursultan Nazarbaevty shyn júrekten quttyqtap, kemeńgerlik qyzmetine zor rızashylyǵymyzdy bildirip, zor rahmet aıtamyz», - dedi Senat spıkeri.
Sharaǵa sonymen qatar depýtattar, qoǵam qaıratkerleri, sportshylar men óner maıtalmandary qatysýda.