Úkimet otyrysyn ashý kezinde QR Premer-Mınıstri Baqytjan Saǵyntaev 2016 jyldyń 11 aıynyń qorytyndysy boıynsha oń kórsetkishter bar ekenin atap ótti. Sonymen qatar Premer-Mınıstr Qazaqstannyń ekonomıkalyq ósimin qamtamasyz etýge barlyq kúshti jumsaýdy tapsyrdy. Osy ýaqyt aralyǵynda IJО́ 0,8%-dy quraǵan.
«Qazir barlyq rezervterdi qoldanýdamyz. Biz ákimdermen jáne kompanııalardyń basshylarymen sóılestik. Biz jyldy 1%-dyq ósimmen aıaqtaı alamyz, sol úshin osy baǵytta barlyq kúshimizdi jumsaýymyz kerek», - dedi B.Saǵyntaev.
Eske sala keteıik, Úkimet otyrysynda Qazaqstan Respýblıkasynyń áleýmettik-ekonomıkalyq damýy men bıýdjettiń atqarylýy qarastyrylýda.
Arnur Asqarov, "Egemen Qazaqstan".