QR Premer-Mınıstri Baqytjan Saǵyntaev ortalyq memlekettik organdar basshylary men aımaq ákimderiniń aǵymdaǵy jylǵy áleýmettik-ekonomıkalyq damý qorytyndysy týraly esepterin tyńdap, atalǵan vedomstvolar men óńir basshylaryna bıýdjetten bólingen qarjyny ýaqytyly ıgerýdi tapsyrdy.
Premer-Mınıstr oqylǵan baıandamalar boıynsha ekonomıkada jaqsy kórsetkishter baıqalatynyn, jyl basymen salystyrǵanda barlyq óńirlerde oń úderister bar ekenin atap ótti. B.Saǵyntaev jyl qorytyndysy boıynsha IJО́ 0,5% deńgeıinde josparlanǵany, biraq qazir ol 0,8%-dy quraıtynyn eske saldy.
«Búgin biz tyńdaǵan barlyq baıandamalar jyldy 1%-dyq IJО́ deńgeıinde aıaqtaýǵa múmkindigimiz bar ekenin kórsetedi»,-dedi B.Saǵyntaev. Sondaı-aq, Premer-Mınıstr bıýdjet qarjysynyń ıgerilýine, ásirese, «Nurly jol» memlekettik baǵdarlaımasy aıasyndaǵy bıýdjet qarjysynyń ıgerilý barysyna nazar aýdardy. «О́ńirlerge baǵyttalǵan barlyq qarajatty ıgerý kerek, Baqyt Turlyhanuly (QR Qarjy mınıstri B.Sultanov eskertý), ortalyq atqarýshy organdarmen monıtorıng jasaý qajet bolady. Obektıvti jaǵdaılar bolatyny túsinikti, degenmen negizgi baǵyttar boıynsha aqsha ıgerilýge tıis»,- dep atap ótti B.Saǵyntaev.
Arnur Asqarov, "Egemen Qazaqstan".