«Boka Hýnıors» fýtbol klýbynyń jáne Argentına ulttyq quramasynyń shabýylshysy Karlos Teves Qytaıdyń «Shanhaı Shenhýa» komandasyna aýysyp, álemdegi jalaqasy eń joǵary fýtbolshy atanady. Bul týraly vesti.kz habarlady.
Argentınalyq klýbtyń basshylyǵy bul istiń jaqyn arada oryn alatynyn resmı túrde rastady. Alaıda, transfer quny ázirge belgisiz.
The Daily Mail basylymynyń málimeti boıynsha, onyń jańa klýbtaǵy bir aptalyq jalaqysy 615 myń fýntty quraıdy.
Buǵan deıin álemdik BAQ Tevestiń otandasy, «Hebeı Forchýn» ujymynyń shabýylshysy Esekel Lavessıdi eńbekaqysy joǵary fýtbolshy retinde jarysa jazǵan bolatyn. Ol aptasyna 577 myń eýro alady.
Bul kórsetkishterdi Eýropanyń úzdik oıynshylarymen salystyrar bolsaq eki esege deıin kóp. Máselen, jaqynda ǵana «Altyn dop» ıegeri atanǵan «Realdyń» forvardy Krıshtıaný Ronaldý aptasyna 427 myń eýro, al «Barselonanyń» juldyzy Lıonel Messı 316 myń eýro alady.
Aıta keteıik, Karlos Teves «Boka Hýnıorstyń» akademııasynan shyqqan. Eýropada «Vest Hem», «Manchester Iýnaıted», «Manchester Sıtı» jáne «Iýventýs» komandalarynda óner kórsetken. Argentına ulttyq quramasynda 2004 jyldan beri 76 oıynǵa qatysyp, 13 gol soqqan. Otandastarymen 2004 jyly Afına Olımpıadasyn jeńip alsa, 2005 jyly Konfederasııa kýbogynyń, sondaı-aq 2005, 2007, 2015 jyldary Amerıka kýbogynyń vıse-chempıony atanǵan.