Elimizdiń sheteldegi elshilikteri QR Ulttyq qaýipsizdik qyzmetiniń kúzetine alynýy múmkin. Búgin QR Parlamenti Senatynda Halyqaralyq qatynastar, qorǵanys jáne qaýipsizdik komıtetiniń otyrysynda «Qarsy barlaý qyzmeti týraly» zań jobasyn talqylaýdan keıin Ulttyq qaýipsizdik komıteti tóraǵasynyń orynbasary Marat Qalqabaev osylaı málim etti, dep habarlaıdy QazAqparat.
«Elshilik resmı túrde tek Aýǵanstanda ǵana (QR UQK Shekara qyzmeti) kúzetiledi. Jaqynda bolǵan terakt (Túrkııadaǵy) tıisti sharany qabyldaý qajet ekenin baıqatyp otyr»,-dedi ol tilshiler saýalyna jap berý kezinde. Osy rette ol shetelde dıplomatııalyq ókildikti kúzetke alý týraly másele ońaılyqpen sheshilmeıtinin túsindirdi. «Qaýiptilik deńgeıine qaraı elimizdiń basqa elshilikterinde kúzetpen qamtamasyz etý múmkindigi bar. Ázirge, Túrkııada osyndaı kúzet jaıynda aldyn ala aıta almaıtyn, degenmen de bul máseleni qarastyramyz»,-dedi Qalqabaev.