«Qazaqstan» telearnasy jańalyqtarynyń basshysy qyzmetine Erlan Atambaı taǵaıyndaldy. Bul týraly búgin feısbýktegi paraqshasy arqyly «Qazaqstan» RTRK» AQ-nyń basqarma tóraǵasy Kemelbek Oıshybaev habarlady.
«Sizdermen bólisetin taǵy bir jańalyǵymyz bar. «Qazaqstan» telearnasy jańalyqtarynyń basshysyn taǵaıyndadym. Bizdiń ujymǵa belgili maman, «31 arna», «Astana», «Evrazııa» arnalarynda qyzmet etken Erlan Atambaı qosyldy. Erlandy jańalyqtar shyǵarýdyń qyr-syryn jetik meńgergen maman dep bilemin, úlken senim artamyn. «Qazaqstan» jańalyqtary odan da operatıvti jumys isteıtin, naǵyz jańalyq jarshysyna aınalsyn!» – dedi Oıshybaev.