Dúısenbi kúni keshkisin Ankarada Reseı elshisi Adreı Karlovtyń óltirilýi túrik lırasyn quldyratyp jiberdi. Dúısenbidegi saýda-sattyqtyń qorytyndysy boıynsha onyń dollarǵa aıyrbas baǵamy 1%-daı álsiredi, dep habarlaıdy New York Times.
«Mundaı oqıǵa qor naryǵynda azdaǵan arzandaýlarǵa, valıýtalardyń álsireýine jáne ındeksterdiń tómendeýine ákep soǵady. Máskeý men Ankara arasynda qalyptasqan shıelenisti qatynastardy eskersek, qazir ınvestorlar ádettegideı emes, qaýipti aktıvterden belsendi shyǵa bastady», – dep túsindirdi FINAM sarapshysy Tımýr Nyǵmatýllın.
Deı turǵanmen taraptardyń resmı málimdemesi jaǵdaıdy retteýge septigin tıgizdi.
Oqıǵadan soń ile-shala Túrkııa prezıdenti Rejep Taıyp Erdoǵan Reseı basshysy Vladımır Pýtınge qońyraý shalyp, kóńil aıtty. О́z kezeginde Reseı prezıdenti elshini óltirýge tapsyrys bergenderdiń maqsaty – Máskeý men Ankara arasynda janjal týdyryp, dıalogty boldyrmaý ekenin málimdedi.
«Bul tipti Sırııada lańkestikke qarsy birlesip áreket etý úshin elderdi jaqyndastyrýy múmkin», – dep jazady basylym.