Germanııa kansleri Angela Merkel Berlın qalasynda bolǵan oqıǵany terakt dep atady. Bul týraly gazeta.ru habarlady.
«Biz ázirge istiń anyq-qanyǵyn tolyq bilmeımiz. Biraq muny terakt dep boljap otyrmyz», – dedi Merkel.
Aıta keteıik, keshe keshke Berlın ortalyǵynyń Braıtshaıdplas alańyndaǵy rojdestvolyq jármeńkede júk kóligi halyqty basyp-janshyp ótken. Saldarynan 12 adam qaza taýyp, 50-ge jýyq turǵyn zardap shekti. Polısııa qyzmetkerleri kóp uzamaı júrgizýshini qolǵa túsirdi.