Almatyda Dzıýdo akademııasynda el táýelsizdiginiń 25 jyldyǵy aıasynda uıymdastyrylǵan jattyqtyrýshylarǵa arnalǵan tehnıkalyq semınar aıaqtaldy. Jattyqtyrýshylarǵa arnalǵan semınar Halyqaralyq Olımpıada komıtetiniń talaptaryna sáıkes Qazaqstan Ulttyq Olımpıada Komıteti men Qazaqstan Dzıýdo Federasııasynyń qoldaýymen uıymdastyryldy, dep habarlaıdy Dzıýdo federasııasynyń baspasóz qyzmeti. 14-19 jeltoqsan kúnderi semınardy Avstrııadan kelgen IJF ókili Danı Djordj aǵylshyn tilinde ótkizdi.
Semınar maqsaty– dzıýdony nasıhattaý jáne bul sport túrin elimizde damytý, bapkerlerdiń jalpy ustanymdaryna, biliktilikterin arttyrýǵa jáne koýchıng tájirıbesin nyǵaıtý bolatyn. Semınarǵa Qazaqstannyń barlyq sport mektepteri (balalar men jasóspirimderdiń sport mektepteri, sport sheberleriniń orta mektepteri, ulttyq komandalardy bekitetin keńes), sonyń ishinde jańa júıege qyzyǵýshylyq tanytqan barlyq jattyqtyrýshylar qatysty.
Jattyqtyrýshylar úshin mańyzy erekshe semınarǵa barlyǵy 60-tan astam maman qatysyp, teorııany praktıkamen ushtastyrdy. Kýrs nátıjesi boıynsha qatysýshylar Olımpıadalyq yntymaqtastyq sertıfıkattarymen marapattalady.