Astana qalasynyń ákimi Áset Isekeshev elordanyń temirjol vokzalynyń mańyndaǵy jaǵdaıdy tekserdi, dep habarlaıdy QazAqparat.
Temirjol vokzaly men «Saparjaı» basshylary ákimge málim etkendeı, vokzal mańyndaǵy aqyly avtoturaq júıesi áýejaı mańyndaǵy atvoturaq sııaqty jumys isteıdi. Bul jerde de bastapqy 20 mınýty tegin bolsa, keıin ár saǵaty úshi 200 teńge alynady. Tegin oryndar akkredıtasııadan ótken taksı júrgizýshilerine ǵana beriledi.
Al, «Saparjaı» avtovokzalymen yntymaqtastyqqa kelmegen taksı júrgizýshilerine tegin oryndar berilmeıdi. Bul taksı júrgizýshileri kóbine Astana-Pavlodar, Astana -Qaraǵandy, Astana-Kókshetaý baǵyttarynda jolaýshy tasymaldap keledi. Eger olar akkredıtasııadan ótpese, basqa avtokólik ıeleri sııaqty aqsha tóleıtin bolady.
Sondaı-aq, qala basshysy Áset Isekeshev múgedekterge arnalǵan oryndardy daıyndaýdy tapsyrdy.
«Bul jerdi retke keltirý úshin qansha ýaqyt kerek?» degen ákimniń suraǵyna jaýapty adamdar 10 qańtarǵa deıin jolaýshylar legi kóp bolatynyn, sondyqtan, ózgeristerdi merekelerden keıin engizý kerektigin aıtty. Biraq, halyqqa túsindirý jumystary qazirden bastalady.
«10 qańtarǵa deıin parkıng de, múgedekterge arnalǵan oryn da, taksıler de retteletin bolsyn,-dep tapsyrdy qala basshysy.
Aıta keteıik, Astana turǵyndary men qonaqtary temirjol vokzalynyń mańynda kelip-ketýshiler úshin kólik qoıatyn oryn joq ekenin jáne vokzaldan shyqqan kezde, taksıler jol bermeıtinin aıtyp, ákimge shaǵym túsirgen bolatyn.