21 jeltoqsanda Ulttyq qaýipsizdik komıteti "Takfır ýál-Hıjra" dinı-ekstremıstik uıymynyń jasyryn oryndaryn joıý maqsatynda Qazaqstannyń tórt óńirinde arnaıy operasııa júrgizdi, dep habarlaıdy Qaýipsizdik komıtetiniń baspasóz qyzmeti.
Habarlamada aıtylǵandaı, arnaıy operasııa Almaty, Aqtóbe, Atyraý oblystary men Almaty qalasynda qatar júrgizildi.
Sharanyń nátıjesinde Ulttyq qaýipsizdik komıtetiniń óńirlik organdaryna 16 adam jetkizildi. Qazir olardy tintý jáne ózge de jedel tergeý jumystary júrgizilýde.
Komıtet baspasóz qyzmeti aldaǵy ýaqytta vedomstvanyń jumystarynyń nátıjesin keńinen jarııalaıtynyn aıtty.