2016 jylǵy 21 jeltoqsannan bastap Qazaqstan Respýblıkasy Ulttyq Bankiniń qatysýymen «Biryńǵaı jınaqtaýshy zeınetaqy qory» aksıonerlik qoǵamynyń qyzmetine tekserý júrgizilýde, dep habarlady Ulttyq banktiń baspasóz qyzmeti.
Tekserý BJZQ aksıonerlik qoǵamynyń menshikti aktıvterdi ınvestısııalaýǵa qatysty jasalǵan operasııalary boıynsha júzege asyrylýda. «BJZQ» AQ-tyń menshikti aktıvteri onyń kapıtaly jáne sharýashylyq qyzmetiniń nátıjeleri esebinen qalyptastyrylady.
«BJZQ» AQ menshikti aktıvterdi derbes basqarady. Azamattardyń zeınetaqy jınaqtary «BJZQ» AQ-tyń balansynan bólingen jáne bólek eskeriledi. Ulttyq Bank zeınetaqy jınaqtaryn ınvestısııalaýdy Qazaqstan Respýblıkasynyń Ulttyq qoryn basqarý jónindegi keńes maquldaǵan 2016 jylǵa arnalǵan baǵyttar boıynsha ǵana júzege asyrady.
Bul rette 2016 jyly zeınetaqy aktıvterin ekonomıkanyń naqty sektorynyń jeke kompanııalarynyń qarjy quraldaryna ınvestısııalaý kózdelmeıdi. Ulttyq Bank quqyq qorǵaý organdarynyń is-áreketterine túsinik berýge quqyly emes.
Ahýalǵa quqyqtyq baǵalaý tekserý aıaqtalǵan soń jáne tıisti prosessýaldyq sheshimder shyǵarylǵannan keıin beriledi.
2016 jylǵy 11 aıdyń qorytyndysy boıynsha zeınetaqy aktıvteriniń kiristiligi 8,15%, bul kezeńdegi ınflıasııa deńgeıi 7,5% mólsherinde boldy, bul zeınetaqy jınaqtarynyń ınflıasııadan tolyq qorǵalýyn qamtamasyz etedi. Portfeldiń qurylymy, ınvestısııalyq qyzmeti jáne kiristilik týraly jan-jaqty aqparat aı saıyn «BJZQ» AQ-tyń saıtynda (www.enpf.kz) jarııalanady.