Jambyl oblysynda IIDMB aıasynda saǵatyna 24 MVt qýattylyǵyndaǵy kún elektr stansııasyn salý josparlanǵan, dep habarlady oblys ákimdigi.
Aldyn ala málimetter boıynsha nysannyń jalpy quny 9,2 mlrd teńgeni quraıdy. Stansııa saǵatyna 24 MVt óndiretin bolady. Búginde bul maqsatty júzege asyrý úshin 74 gektar jer bólinip, jobalyq qujattar daıyndaldy.
Aıta keteıik, T.Rysqulov aýdanyndaǵy stansııanyń qurylysyna 50-60 adam tartylady. Jańa kásiporynda turaqty jumyspen 22 adam qamtylady. 2017 jyly qurylysty tolyq aıaqtaý josparlanǵan.
«Oblysta 9 jańarmaly energııa kóziniń nysany jumys isteıdi. Onyń jalpy qýattylyǵy 114 MVt. 2015 jyly telekópir barysynda Ortalyq Azııadaǵy iri kún elektr stansııasy iske qosyldy. Onyń qýattylyǵy 50 MVt, quny 23,2 mlrd teńgeni quraıdy», - dep habarlady ákimdik.