Astana qalasynyń halyqty jumyspen qamtý ortalyǵynyń qyzmetkerleri №2 Ǵafý Qaıyrbekov atyndaǵy mektep-gımnazııasynyń 9-11 synyp oqýshylary arasynda kásiptik baǵdarlaý jumystaryn júrgizdi, dep habarlaıdy elorda ákimdigi.
Kezdesýdiń maqsaty - eń qajetti mamandyqtar jaıly aıtyp berý jáne oqýshylarǵa bolashaq mamandyqty durys tańdaýǵa kómek kórsetý. Dál osy kúni oqýshylar pılottyq rejımde kásiptik baǵdarlaý testin ótti.
«Bolashaqta jumyssyzdar qatarynda bolyp qalmas úshin qazirden bastap bolashaq mamandyqty tańdaýda barlyq jaýapkershilikpen jáne asyǵystyq tanytpaı muqıat kirisý kerek. Búgingi kúnde bizde Astana qalasynda joǵary tehnologııa salasyndaǵy, ınjenerııadaǵy, mamandar, áleýmetik salada. Atap aıtqanda densaýlyq saqtaý, bilim berý sııaqty salalarda jáne de qyzmet kórsetý salasynda bilikti jáne bilimdi mamandar óte qajet»,- dedi Halyqty jumyspen qamtý ortalyǵynyń dırektory Oljas Omar.
Osyǵan uqsas jumystardy kelesi jyly Astana qalasynyń barlyq jalpy bilim berý mekemeleriniń túlekteri arasynda ótkizý josparlanýda.