Qazaqstan Prezıdenti Nursultan Nazarbaev Eýrazııalyq ekonomıkalyq odaqtaǵy birqatar ishki problemalardy atap, birlestik aıasynda daǵdarysqa qarsy keńes qurýdy usyndy, - dep habarlaıdy RIA Novostı.
"Osy máselelerdi zertteý úshin daǵdarysqa qarsy keńes qurý kerek, oǵan álemdik deńgeıdegi, ózimizdiń sarapshylardy tartamyz. Keńes komıssııa qurylymynda strategııamyzǵa qaramastan, qazirgi jalpy bıýrokratııanyń aıasynda erekshe bolýy tıis", - dedi Nazarbaev Joǵarǵy Eýrazııalyq ekonomıkalyq keńestiń otyrysynda.
Nazarbaev keńestiń jumysy tereń saraptamaǵa, usynystardy daıarlaýǵa jáne problemalardy ońtaıly sheshýge baǵyttalýy tıis ekenin atap ótti.
"Kúrdeli ekonomıkalyq jaǵdaılarda bir-birimizge kómekke kelý joldaryn bilýimiz kerek. Sondyqtan osy máselelerdi qarastyratyn organ kerek", - dedi Qazaqstan Prezıdenti.
Onyń aıtýynsha, ekonomıkalyq qarym-qatynasqa odaqtyń ishki máseleleriniń sheshilmeýi áser etedi.
"Oǵan ózara saýda, árbir eldiń qosymsha talaptary men shekteýleri, taýar tranzıtindegi qıyndyqtar, naryqqa kirý kezindegi qamtamasyz etiletin tólemder, jergilikti bılik tarapynan bolatyn kedergiler jáne taǵy da basqalar kiredi", - dep túsindirdi Nazarbaev.
"Bul problemalardyń árdaıym bolatynyn jáne bolǵanyn túsinemiz, olar ýaqytsha, bastapqy kezeńde árbir ıntegrasııalyq prosesste bolatyn jaǵdaılar. Soǵan qaraǵanda, elderdiń bıligi men bıznesi birigip jumys isteýi úshin qajetti tájirıbege, bir-birine úırenisýge ýaqyt kerek shyǵar, biraq onyń tezirek bolǵany durys", - dep málimdedi Nazarbaev.