Nursultan Nazarbaev Baıqońyrdaǵy Reseı men Qazaqstan arasyndaǵy kelisimniń ǵarysh salasyndaǵy qarym-qatynasty damyta alatynyn málimdedi, - dep habarlaıdy RIA Novostı.
"Biz qazir 8 jylǵa arnalǵan - 2025 jylǵa deıingi jańa "jol kartasyn" bekitip jatyrmyz. Jańa ǵarysh zymyrany... bul aldaǵy ýaqytta Baıqońyrdaǵy Qazaqstan men Reseı arasyndaǵy yntymaqtastyqtyń jáne basqa da máselelerdi sheshýdiń utymdy tusy bolady", - dedi Nazarbaev Reseı prezıdenti Vladımır Pýtınmen kezdesý barysynda.
Eki el arasynda qarym-qatynastyń aldaǵy josparyna reseılik taraptan vıse-premer Dmıtrıı Rogozın qol qoısa, qazaqstandyq taraptan birinshi vıse-premer Asqar Mamın qol qoıdy. Sondaı-aq, toltyrylǵan hattamaǵa "Roskosmos" memlekettik korporasııasynyń bas dırektory Igor Komarov pen Qazaqstannyń Qorǵanys jáne aeroǵarysh ónerkásibi mınıstri Beıbit Atamqulov qol qoıdy.
Sonymen qatar, Memleket basshysy Reseı Federasııasymen áskerı-tehnıkalyq saladaǵy qarym-qatynasty damytýǵa daıyn ekenin aıtty.
"Biz keshe Peterbýrgtegi damyp jatqan ári óte mańyzdy kásiporyndarǵa bardyq. Osyǵan baılanysty men áskerı-tehnıkalyq saladaǵy qarym-qatynasymyzdy damytqymyz keletinin aıtyp otyrmyn", - dedi Nazarbaev.
Sondaı-aq, Prezıdent jaqyn arada eki eldiń kóp kezdesý ótkizý qajet ekenin aıtty. Mańyzdy kezdesýlerdiń ishinde Qazaqstandaǵy BUU otyrysy men EXPO-2017 bar.
"Kezdesýler ótedi, týyndaǵan barlyq máselelerdi sheshetin bolamyz", - dedi Qazaqstan Prezıdenti.