Depýtattar óńirlerge shyǵady

Keshe Parlament Májilisinde «Nur Otan» partııasy fraksııasynyń keńeıtilgen otyrysy boldy. Onda «Qazaqstan Respýblıkasynyń nátıjeli jumyspen qamtý jáne jappaı kásipkerlikti damytý baǵdarlamasy týraly» jáne «Nurly jer» turǵyn úı qurylysyn salý baǵdarlamasy týraly» máseleler talqylandy. Otyrysqa Májilis Tóraǵasynyń orynbasarlary Vladımır Bojko men Gúlmıra Isimbaeva qatysyp, sońǵy­sy jınalysty júrgizip otyr­dy. «О́zderińizge belgili, Mem­­leket basshysy aǵymdaǵy jyl­dyń qyrkúıek aıynda ótken Úki­met­tiń keńeıtilgen otyrysynda halyq­ty jumyspen qamtý, jappaı kásipkerlik máselesin Úkimet ju­my­synyń basty baǵytynyń biri bolyp tabylatynyn atap ótip, tıisti baǵdarlamalardy odan ári damytýdy tapsyrǵan bolatyn. Sonymen qatar, Memleket bas­shy­sy turǵyn úı qurylysyn damy­tý máselesine basa kóńil bólip, Úki­metke biryńǵaı «Nurly jer» tur­ǵyn úı qurylysy baǵdar­lama­syn ázirleýge tapsyrma berdi. Odan beri Úkimet birshama jumys­tar atqardy. 23 jeltoqsanda ót­ken Úkimet májilisinde osy baǵdar­lamalar talqylandy. Búgin biz osy baǵdarlamalardyń máni, maǵyna­sy týraly jan-jaqty aqparat alý úshin jáne ony saılaýshylarmen kez­desý barysynda túsindirý jumy­sy­na paıdalaný úshin tıisti mınıstr­­lik­ter­diń ókilderin shaqyryp otyrmyz», – dedi Májilis Tóraǵasy­nyń orynbasary G.Isimbaeva ózi­niń sózinde. Elbasy tapsyrmasy­na sáıkes Densaýlyq saqtaý jáne áleýmettik damý, Ulttyq ekonomıka, Bilim jáne ǵylym, Aýyl sharýashylyǵy mınıstrlikteri «Atameken» palatasymen birlese otyryp, nátıjeli jumyspen qamtý jáne jappaı kásipkerlikti damytý baǵdarlamasyn daıarlaǵan. Bul baǵdarlama Úkimet otyrysynda qabyldandy. Fraksııa otyrysynda Densaýlyq saqtaý jáne áleýmettik damý mınıstriniń orynbasary Birjan Nurymbetov atalǵan baǵdarlamany jaqynda óńirlerge shyǵatyn Májilis depýtattaryna taratyp aıtyp berdi. Vıse-mınıstrdiń baıan­­daýyn­sha, jańa baǵdarlama­nyń negizgi maqsaty – halyqty nátı­jeli ju­myspen qamtý. Bul maqsat kelesi úsh baǵyt boıynsha júzege asatyn bolady: birinshiden, qa­jet­ti mamandyqtar jáne kásipkerlik mamandyqtar boıynsha jappaı oqytý; ekinshiden, kásipkerlik­tiń damýyna jappaı jaǵdaı ja­saý; úshinshiden, eńbek naryǵyn damytý. Baǵdarlama kelesi toptardy qamtıdy – jastary 15-45 ara­lyǵynda, aılyq tabysy 60 myń teńgeden aspaıtyn ózin ózi qamtyǵan, jumyssyz júrgen jáne kásibı mamandyǵy joq bas­qa da azamattar. Osy toptarǵa 550 myń adam kiredi, olardyń 84%-y aýyl­dyq jerde turady. Baǵ­dar­­­la­manyń negizgi ereksheligi – qajet mamandyqtar boıynsha jap­paı oqytý uıymdastyryp, aza­mat­tarymyzdyń óz beti­men jumys tabýyna nemese óz isin ashýy­na kómektesý. Baıanda­mashy jańa baǵdarlamanyń qazirgi «Ju­myspen qamtýdyń jol kartasy» baǵdarlamasynan aıyrmashy­­ly­ǵy «biz azamattarymyzdy ju­mys berý­shilerdiń tapsyrystary bo­ıynsha oqytyp alyp, sodan soń oqyp alǵandardy sol jumys berýshilerdiń jumysqa orna­las­­tyrýyn kózdedik. Al azamat­tary­myzdyń jumysqa sátti ornalasýyna oqytý arqyly olardyń naryqta qajetti mamandyq pen sheberlik alǵandary sebep bolady dep esepteımiz», – dedi. Baǵdarlamanyń úshinshi baǵyty boıynsha «Jumyspen qamtýdyń jol kartasy» arqyly iske asatyn jastardy, áıelderdi, múmkindigi shekteýli azamattardy jumysqa ornalastyrý, áleýmettik jumys oryndaryn qurý, jastar praktıkasyn uıymdastyrý sııaqty is­-áreketter atqarylatyn bolady. Azamattardy jumysqa ornalas­tyrýǵa járdemdesý «Jumyspen qamtýdyń jol kartasy» arqyly júze­ge asatyn bolady. Qajet bol­ǵan jaǵdaıda úmitkerler baǵdar­lamanyń birinshi baǵyty boıynsha oqytýǵa jiberiledi. Vıse-mınıstr «Baǵdarlama aıasynda eńbek resýrstary artyq óńirlerden Úkimet belgilegen óńirlerge qonys aýdarý da júzege asady. Kóshetin óńirler retinde Almaty, Jambyl, Mańǵystaý, Ońtústik Qazaqstan oblystary bel­gilengen. Baratyn óńirler Shyǵys Qazaqstan, Soltústik Qazaq­stan, Qostanaı, Pavlodar oblystary. Qonys aýdaratyndarǵa memle­ket tarapynan jol qarajatyn jaba­­tyn sýbsıdııa tólenedi. Osy baǵdar­la­ma barysynda azamattarǵa jumys tabý úshin, al jumys berýshi­ler­ge jumyskerler taýyp berý úshin Biryńǵaı elektrondy eńbek bır­­jasy qurylady. Bul júıege memlekettik organdardyń aqpa­rat júıeleri, jeke jumysqa orna­las­tyrý agenttikteriniń málimet­t­er bazasy jáne barlyq jumys­pen qamtý ortalyqtary qosylatyn bolady. Baǵdarlama 94 myń adamdy qamtyp, osy maqsatqa 25 mlrd teńge bólinetini kútilýde. Jańa baǵdarlama arqyly 500 myńdaı jańa jumys oryndary ashylyp, ózin ózi qamtyǵandardyń tabystary 36%-ǵa ulǵaıyp, al ishki jalpy ónim 0,8%-ǵa ósedi degen úmit bar» – dedi. Otyrysta qaralǵan ekin­shi má­sele – «Nurly jer» tur­ǵyn úı qu­ry­­lysyn salý baǵdar­la­ma­sy týraly Ulttyq ekonomıka mınıstri­niń orynbasary Aıdar Arıfhanov baıandap ber­di. Mınıstrliktiń qury­lys isi, turǵyn úı-kommýnaldyq sharýa­shylyq jáne jer resýrs­taryn basqarý komıtetiniń tór­aǵa­sy Mar­habat Jaıymbetov depý­tat­tar­dyń suraqtaryna jaýap ber­di. Eki taqyryp ta fraksııa múshe­leri ara­synda qyzý talqylanyp, oǵan O.О́k­sikbaev, Sh.О́temisov, N.Sa­bılıanov, G.Qaraǵusova, M.Qaz­bekova, B.Hamenova, B.Smaǵul, K.Absatırov, M.Erman, t.b. depýtattar belsene qatysty. Jaqsybaı SAMRAT, «Egemen Qazaqstan»