Ońtústik Qazaqstan oblysynda «EHRO-nyń jańa jyldyq alaýy» Qazaqstan Prezıdentiniń jańa jyldyq shyrshasy ótti. Merekelik sharaǵa qatysqan oblys ákimi Janseıit Túımebaev balalardy merekemen quttyqtap, Elbasynyń atynan 200 balaǵa planshet pen jyly syrt kıimder tabystady, dep habarlaıdy oblys ákimdiginiń baspasóz qyzmeti.
«Jańa jyl – bul bárimiz úshin erekshe mereke. Mundaı umytylmas sátterde biz ótken jylǵa alǵys aıtyp, bolashaqqa jaqsy josparlar quryp, qııalǵa erik beremiz. Sender bir jasqa eseıdińder. Sanalaryń ósip, bilimderiń tereńdedi. Úlken ómirge qanat qaǵyp kelesińder. Búginde sender kútken jyldan eń qymbat tilekterińdi tileısińder. Jaqsylyqqa senińizder. Eshýaqytta armańdaryńyz aldamasyn. Adamdar shyn tilep, sol úshin talmaı izdense, bilim alsa armany oryndalady. Sender de alǵa qoıǵan maqsattaryńa jetý úshin talpynyńdar», – dedi aımaq basshysy.
Jańa jyldyq shyrshaǵa qatysqan balalarǵa teleekran arqyly Memleket basshysynyń arnaıy quttyqtaýy kórsetilip, «Balalardy ǵylymdy bilip tanýǵa jeteleıik» kitaby men túrli táttiler úlestirildi. EKSPO-2017 jańa jyldyq alaýymen bastalǵan shyrsha merekesi teatrlandyrylǵan qoıylymmen jalǵasty.