Aýyl sharýashylyǵy taýar óndirýshilerdiń qajettilikteri úshin arzandatylǵan janar jaǵarmaıdy jetkizý boıynsha mindetteleri tolyq oryndaldy. Bul týraly Premer-mınıstr Baqytjan Saǵyntaevtyń tóraǵalyǵymen Úkimettiń kezekti otyrysynda Energetıka mınıstri Qanat Bozymbaev baıandady.
"Kóktemgi-egis jumystaryna 322,2 myń tonna jáne kúzgi dala jumystaryna 364,5 myń tonna tıeldi," - dedi Energetıka mınıstri
. Q.Bozymbaev aıtyp ótkendeı, aǵymdaǵy jyldyń 26 jeltoqsandaǵy jaǵdaı boıynsha munaı bazalaryndaǵy qordyń kólemi: Aı-92/93 benzıni 112,2 myń tonna, dızel otyny 170 myń tonnany quraıdy.
"Jalpy, munaı ónimderi naryǵynda ahýal turaqty jáne janarmaı tapshylyǵy baıqalmaıdy," - dedi Q.Bozymbaev.
Suıytylǵan munaı gazynyń ishki naryqtaǵy baǵasy 2017 jyldyń I toqsanyna 1 tonna úshin 28 myń teńge kóleminde bekitildi.
Arnur ASQAROV, «Egemen Qazaqstan»