QR Premer-Mınıstri Baqytjan Saǵyntaev QR Ishki ister mınıstrligine kúsheıtilgen qyzmet rejimine kóship, merekelik sharalar kezinde azamattardyń qaýipsizdigin qamtamasyz etýdi tapsyrdy.
«Ishki ister mınıstrligi búgingi kúnnen bastap kúsheıtilgen jumys tártibine kóshsin. Sonymen qatar jańajyldyq sharalar ótkiziletin jerlerge monıtorıng júrgizý qajet, onyń ishinde órt qaýipsizdigi men qoǵamdyq tártip nazarǵa alynýy tıis. Oblys ákimderi, Astana jáne Almaty qalalarynyń ákimderi IIM-imen birlesip aýa-raıy jaǵdaıyn eskerip, jol qaýipsizdigin qamtamasyz etý úshin aldyn-ala sharalardy ýaqytyly qabyldaýdy tapsyramyn», - dedi B.Saǵyntaev.
Sonymen qatar Premer-Mınıstr barlyq memlekettik organdarda operatıvti kezekshilerdi belgileýdi tapsyrdy.
«Qajettilikke saı barlyq qyzmettiń naqty ári tıimdi jumysy uıymdastyrylýy tıis, Asqar Uzaqbaıuly (Premer-Mınıstrdiń birinshi orynbasary) baqylaýǵa alýy tıis», - dep atap ótti B.Saǵyntaev.
Arnur ASQAROV, "Egemen Qazaqstan