Syr elindegi syndarly ister

Syr óńiriniń óndirisinde de oń ózgerister barshylyq. Máselen, «Shalqııa» qorǵasyn-myrysh ken ornyn óńdeý jobasy qolǵa alynýda. Aldaǵy ýaqytta bul jerde «Samuryq-Qazyna» AQ jobalarynyń biri – ken baıytý kombınaty boı kótermek. Atalǵan qoǵam 2014 jyldan beri «ShalqııaSınk LTD» kompanııasynyń úleskeri bolyp tabylady.  Qyzylorda oblysynyń Jańa­qorǵan aýdanynda ornalasqan «Shalqııa» ken orny 1959 jyly ashylǵan. Igerý jumystary 1982 jyly bastaý alyp, úzilistermen jumys jasapty. BrookHunt zertteý kompanııasynyń málimetine sáıkes, mundaǵy ken qory qazaq­standyq qordyń 30 paıyzyn quraıdy. Búginde kózdelgen maq­sat­tarǵa qol jetkizý úshin kompanııa qyzmetkerleri talmaı eńbek etýde. Qazir kásiporynda 500 adam jumys jasaıdy, olardyń 80 paıy­zy – jergilikti turǵyndar. О́ńir halqyn jumyspen qamtý úshin áli de myńǵa jýyq jumys orny usynylmaq. Al mamandardyń biliktiligin arttyrý maqsatynda bilim berý jumystary da qolǵa alynatyn bolady. Jumyskerler úshin qajetti jaǵdaıdyń barlyǵy jasalǵan. Joǵary deńgeıli ınfraqurylym, sport keshenderimen jabdyq­talǵan jataqhanalar qolda­nysqa beriledi. Qazirgi ýaqyt­ta Eýropalyq bank­pen qarjylan­dyrý jaıly kelis­sózder júrgi­zilip, merdigerdi anyq­taý jumys­tary ótip jatyr. «Ken baıytý fabrıkasy iske qosylǵan soń tolyqqandy óndi­ristik qýatqa shyǵatyn bolamyz, 120 myń tonna myrysh pen 25 myń tonna qorǵasyn shyǵarý kózdelip otyr. Usaqtaý men úgý jumystary qymbatqa túsedi dep kútiledi. Ken maıda sekpildi bolǵandyqtan, zamanaýı tehnologııalardy qoldaný qajettigi týyndaıdy. Joǵary qy­sym berý arqyly ýltrausaqtaý jasalady. Bul kennen metaldy ońaı alyp shyǵýǵa múmkindik jasaıdy», deıdi kompanııanyń bas baıytýshysy Manas Jaqsy­lyqov. 2018 jyly boı kóteretin kásip­orynnyń ónim qýattylyǵy 500 myń tonnany quramaq, al kelesi jyldary kendi ıgerý jumy­s­tarynyń kólemi 4 mln tonnaǵa deıin artady dep boljanýda. Jospar osyndaı, degenmen ony eseletip oryndaýǵa da múmkindik te, qabilet te bar. «Samuryq-Qazyna» ulttyq ál-aýqat qory qolǵa alǵan atalǵan jobanyń elimiz úshin mańyzy zor. Bul álemdik naryqta kósh bastaýǵa kezekti qadam. Damır QOJAMQUL QYZYLORDA